Video
Read full review
2015-04-19
1703 views
跟朋友約飯局，被問及有無食雞煲好介紹，其實小弟對雞煲沒有太大偏好，試過嘅餐廳都唔多，不過，記憶所及，荃灣二坡坊嘅常滿雞煲及尖沙咀山林道嘅奇樂香辣雞煲都覺得上好，當然，城中好味嘅雞煲又豈止兩間，但剛啱晌雜誌見過奇樂有新嘢出，所以，就選定奇樂再訪。大家7:00pm準時到達，又好似上次咁，早段人客唔多，不過，去到8:00pm就已經爆晒棚咁滯，打工族加班都已經喺習慣事。上次食過嘅冬瓜粥水雞煲原來已經「落架」，唔打緊，反正嚟都喺試雜誌介紹以嘉美雞入饌嗰新煲「和味沙哇雞煲」，能唔能夠旗開得勝，取得好成績，試過先知。然後，問問店長有咩靚貨揀手嘢火鍋料，另按再大家喜好加啲減啲，先點一輪，唔夠食至再點過。雞煲落單15分鐘後就上枱，一煲香氣，原來個煲唔好熱住食，因為會卸走啲香氣。個雞煲幾辣，辣得有少少麻，但唔喺四川麻辣嗰類，只喺辣勁夠而叫條脷都有啲發麻。雞件肉質嫩滑，十分惹味。不過，感覺又唔喺好算泰式，原來，另一重點放晌一陣個湯底度。 如果覺得啲雞太辣，可以等加咗湯先再食，仍不失香味，但辣度減半。今次再嚟另一搞作喺玩配對，究竟喺乜嘢配乜嘢呢？就喺餐酒配雞煲，本來小弟唔好酒，對個配對興趣唔太，但同行老友好想
大家7:00pm準時到達，又好似上次咁，早段人客唔多，不過，去到8:00pm就已經爆晒棚咁滯，打工族加班都已經喺習慣事。
上次食過嘅冬瓜粥水雞煲原來已經「落架」，唔打緊，反正嚟都喺試雜誌介紹以嘉美雞入饌嗰新煲「和味沙哇雞煲」，能唔能夠旗開得勝，取得好成績，試過先知。然後，問問店長有咩靚貨揀手嘢火鍋料，另按再大家喜好加啲減啲，先點一輪，唔夠食至再點過。
雞煲落單15分鐘後就上枱，一煲香氣，原來個煲唔好熱住食，因為會卸走啲香氣。
和味沙哇雞煲
$238
22 views
0 likes
0 comments
和味沙哇雞煲
$238
29 views
1 likes
0 comments
店方話有兩款酒幾襯依款雞煲，講明小弟唔好酒，揀酒重任擺晌老友身上，兩款中揀嚟德國嘅白酒（German Pieroth Blue Nahe $338）。我就唔多識評酒，純粹個人感覺。入口有陣陣果香味，清淡微甜，口感幾圓潤，酒精度8-10%，易入口，酒中滲出嘅甜可中和一下雞件嘅辣味，感覺又真喺幾夾。之後再邊食海鮮類火鍋料，都一樣襯到。
除咗白酒餸雞煲，打鞭爐頗燥熱，所以，加多渣洛神花茶（$48）及其他飲品嚟解解燥兼去油膩。
食完雞煲，喺放湯時候，個湯就帶泰式風味多啲，酸酸辣辣，有層次。不過，個人建議，之後加水好過再加湯，因為越滾越蒸發，個湯變得太濃太鹹，淨加水就平衡番個味道。
火鍋料隨即上枱，先嚟一份牛肉三重奏（$428），應該可以滿足到一眾牛魔王，因為一份有齊牛肉粒（上層）、特級手切肥牛（中層）及安格斯肥牛（下層），而且，每類牛肉份量也不少，比起散叫划算。
雞煲，喺放湯時候
$428
34 views
1 likes
0 comments
牛肉粒
6 views
0 likes
0 comments
特級手切肥牛，我哋一致公認3款牛肉之中最好食，油花分佈平均，肉味重富油香，卻唔會好油膩，輕灼後夠晒軟腍；
特級手切肥牛
30 views
1 likes
0 comments
安格斯肥牛，雖然喺有「安格斯」之名，入口亦都腍滑，但油香較少。
安格斯肥牛
12 views
0 likes
0 comments
跟手就喺其他火鍋料。因為喺閒日，又嚟得早，師傅有時間砌好所點嘅火鍋料一盤過靚靚仔仔拎嚟，個店員話如果客多就唔會咁做，因為做唔「切」。
手打墨魚丸 $88一客有8粒，白雪雪嘅墨魚丸真材實料，墨魚味濃郁，咬落爽口。
手打墨魚丸
$88
19 views
0 likes
0 comments
脆鯇魚片食得多啲，脆鯇魚腩就較少晌打鞭爐度食，鯇魚腩挺新鮮，不過，魚腩較厚，有啲「韌」，失卻個「脆」度。
脆鯇魚腩
$58
11 views
0 likes
0 comments
白鱔片 $88反而啲白鱔片幾好食，長長一片，入口有份韌勁。
白鱔片
$88
13 views
0 likes
0 comments
白鱔片
$88
12 views
0 likes
0 comments
一客份量感覺有啲偏少，但魷魚卻嗻非常爽口。
水魷魚
$68
22 views
0 likes
0 comments
雙拼揀咗奇樂水餃皇（散叫$108 / 8粒）及黑松露帶子餃（散叫$108 / 6粒），但雙拼就每樣有3粒，所以，除勻貴過散叫，但就可以一次過試晒兩款。
原來奇樂水餃皇裡面喺蝦肉、鯪魚肉及豬肉，加埋少少木耳絲及花生粒，又真喺幾得意。
奇樂水餃皇
15 views
0 likes
0 comments
奇樂水餃皇
14 views
0 likes
0 comments
黑松露帶子餃
18 views
0 likes
0 comments
珊瑚蚌 $88一份珊瑚蚌有唔少，爽就爽嘞，不過，切得太大件，淥咗一炷成匙羹咁大件。
珊瑚蚌
$88
18 views
0 likes
0 comments
珊瑚蚌
$88
14 views
0 likes
0 comments
前菜（麻辣青瓜）收$10，都預咗，而醬料費收$15位。雖然，都知道好多火鍋店都會收依個費用，不過，老老實實吖，食咁多次雞煲都真喺好少沾啲醬料，因為雞煲本身個湯汁都帶味，如果可以俾啲客揀要定唔要就最好咯，餐廳可能因此少咗啲收入，但印象上就俾人覺得好好多。
今次所試個雞煲都挺有特色，火鍋料亦夠新鮮有質素，但大家一致認為襯海鮮多過肉類。故此，點咗個牛三味有點嘥，隨意點少少肉，一、兩款就可以喇。如果唔喺有支酒，又試咗個牛三味，個人平均清費應該跟上次差唔多，$250-$300左右一個人！
Post
