稻香超級漁港 (南豐廣場) (Closed)

契姐約我出嚟請我食餐飯，佢問我想食乜，咁我就話食中菜啦，就係咁樣。我哋兩個人就叫咗兩碟餸同埋兩碗白飯，就係咁樣同簡單。我呢個契姐好鍾意食菜，又鍾意食香口嘢，所以就叫咗馬拉盞炒通菜，通菜煮得好好味好入味，好夠味道，好惹味，其實我自己就比較鍾意食腐乳通菜多啲，因為我根本唔知道馬拉盞係乜嘢，亦冇興趣去知，理得佢啦，總之好味就得啦。菠蘿咕嚕肉，我鍾意食咕嚕肉，因為甜甜酸酸香香脆脆，又好送飯又開胃好好味，呢一度個咕嚕肉好似係肥肉多過瘦肉咁樣，食起上嚟好酸，我契姐係唔係好鍾意食不過就好啱我食。