Video
Read full review
2023-04-18
136 views
海南雞飯，我諗好多人都鍾意食。而“栢檔”既海南雞，一直都口碑好！而且食物都係不加味精，所以懶煮飯，但又想食得健康，揀呢間唔錯！“栢檔”有好多分店，咁啱今日行開大本型，地鐵站附近就有間！呢間分店主要做外賣，無堂食座位，只有個細細既枱面位，有需要的話立食一下應該都得既。買返屋企外賣，整個2人套餐包無錯！2人餐有：2碗湯/飲品、半隻海南雞、另一個餸、小食、菜、飯， 仲有兩粒迷你雪米糍做甜品！🥣 皇牌靚湯係好足料既嘅南瓜粟米蘿蔔湯，冇落味精，但湯都煲得好濃好甜！加$10 可以轉做細肉骨茶🌟🌟🌟，原來個肉骨茶都幾好飲，胡椒味突出，飲落好暖笠笠！好足料，有幾件排骨，仲落咗好多藥材，黨參、杞子、淮山、龍眼肉等等，補身一流！入面仲有兩大舊豆卜，索滿曬個肉骨茶，超。好。味！飲完覺得自己嘅energy都多咗！推介！👍👍👍🐥 極品海南雞🌟🌟🌟“栢檔”海南雞用既係三黃雞（羽毛黃、腳黃、咀黃），雞皮鮮黃，賣相已經好得！整得又嫩滑！好食！隻雞仲要係無激素、無抗生素既，真係食得零舍安心又健康！跟左黑豉油、薑葱油、辣醬，個黑豉油好味！原來連個黑豉油都係秘制拎過獎！雞飯亦充滿油香😋👍👍👍🐷豬頸肉份量好多！2個人其實都食
而“栢檔”既海南雞，一直都口碑好！
而且食物都係不加味精，
所以懶煮飯，但又想食得健康，
揀呢間唔錯！
“栢檔”有好多分店，
咁啱今日行開大本型，
地鐵站附近就有間！
呢間分店主要做外賣，無堂食座位，
只有個細細既枱面位，有需要的話立食一下應該都得既。
買返屋企外賣，整個2人套餐包無錯！
2人餐有：2碗湯/飲品、半隻海南雞、另一個餸、小食、菜、飯， 仲有兩粒迷你雪米糍做甜品！
🥣 皇牌靚湯係好足料既嘅南瓜粟米蘿蔔湯，
冇落味精，但湯都煲得好濃好甜！
加$10 可以轉做細肉骨茶🌟🌟🌟，
原來個肉骨茶都幾好飲，
胡椒味突出，飲落好暖笠笠！
好足料，有幾件排骨，
仲落咗好多藥材，
黨參、杞子、淮山、龍眼肉等等，補身一流！
入面仲有兩大舊豆卜，
索滿曬個肉骨茶，超。好。味！
飲完覺得自己嘅energy都多咗！
推介！👍👍👍
🐥 極品海南雞🌟🌟🌟
“栢檔”海南雞用既係三黃雞（羽毛黃、腳黃、咀黃），
雞皮鮮黃，賣相已經好得！
整得又嫩滑！好食！
隻雞仲要係無激素、無抗生素既，
真係食得零舍安心又健康！
跟左黑豉油、薑葱油、辣醬，
個黑豉油好味！原來連個黑豉油都係秘制拎過獎！
雞飯亦充滿油香😋👍👍👍
🐷豬頸肉
份量好多！2個人其實都食唔晒。
軟稔入味！
🐤🐾香麻辣鳳爪
鳳爪去晒骨，好易食，正。
🍧 最後仲有兩粒唔同味嘅雪米糍，
一粒係抹茶紅豆、一粒係雲呢拿士多啤梨味。
呢度咁多野，又湯又四餸又飯又甜品，
200蚊有找！
唔使自己洗切煮一餐，食物又無加味精，
慳水慳力，食得健康又好味！
Post
