海皇粥店 (樂道) (Closed)

與同事去尖沙咀見完客，之後搵餐廳食午餐，同事想食粥，去咗海皇粥店，粥店地方整潔，主打傳統廣東粥品，食品新鮮衛生。生滾粥餐及第粥：即叫即整，材料有鮮肉丸、肉片、豬心、粉腸、豬肚、豬肝，十分豐富又爽口，粥底綿滑。炒麵夠鑊氣，麵條彈牙夠味，加咗芽菜和韭菜增加口感。凍奶茶不太甜，都夠味。粥品特餐艇仔粥：因為我哋要求走牛肉，改用豬肉絲，其他仲有魷魚絲、魚片絲、豬皮絲等，先將各款新鮮食材放入碗中，然後撞入滾粥，粥面撒上油條片、蔥花及炸花生，保留傳統風味。蝦米腸 ：條條賣相飽滿、光滑細緻，口感軟滑，配上蝦米和特製醬油，十分美味！凍豆漿不太甜，少許豆香味。足料糯米雞，打開荷葉，裏面嘅糯米雞的確好足料，除咗糯米飯同肉醬，仲有冬菇、臘腸、雞翼等。糯米夠軟身，能夠吸收到配料的味道，十分惹味。配送熱豆漿，熱豆漿是無糖，非常健康！