祥仔辣辣 (雅蘭中心) (Closed)

旺角區都算多川菜選擇，但就無一間特別好食，每次想食川菜都會響openrice 篩選一番今次選擇咗祥仔辣辣，一來地點方便，位於雅蘭中心，一出地鐵站已經到，二來都算新，開咗唔夠一年，所以今次前來試試我哋選擇咗個會員套餐，只要裝個app 登記同用匯豐信用卡埋單就可以用，算幾方便個餐有7樣野食，份量都充足，2個人食一定夠飽主菜水煮牛真心幾好食，夠香夠辣夠麻，我哋選擇咗小辣，好正，入面d 牛肉片都算嫩滑，底下有芽菜，加個白飯$20 蚊最後個是日精選係中式合桃包，甜甜的，估佢唔到幾好食餐廳有限時90分鐘，可能少客，過咗時間都冇話趕我哋走