Video
Read full review
2021-11-13
1876 views
與朋友相約食飯, 朋友素來對食都素有要求, 今次到我搵地方俾佢揀, 都要加倍用心搵。喺OPENRICE 搵咗好幾間餐廳, 最後朋友揀咗慢煮工業。於是我就順手喺OPENRICE 訂座, 好多時間揀, 仲可以賺飛行哩數。我哋BOOK 咗19:30, 老公到咗先想睇下可唔可以先入座, 但係店員話因為用餐時間只有90 分鐘, 叫我哋等齊人先入座。點知朋友去錯分店, 好彩2 間都近, 咁我哋就坐住等! (大家留意返慢煮工業有2 間分店, 呢間較大) 一入到去見到地下有2 枱客。沿住樓梯上到1 樓, 放咗一套鼓。之後由店員帶位, 嘩! 原來樓上勁大! 好多位! 好在店員安排咗角落位俾我哋, 又唔係好嘈, 好岩傾計。朋友好快就到咗, 佢話另一間分店好細間, 好彩我哋BOOK 咗呢間。見到MENU 上有個4 人餐, 都好多嘢食, 我哋揀咗呢個餐, 再加左幾款小食。手機落完單, 好快就上菜啦! 蟹肉芒果沙律沙律菜新鮮, 芒果唔算好甜, 但可以理解嘅。配合埋蟹肉食, 正! Sangria Red酒味適中, 冇飲開酒嘅朋友覺酒味頗濃燒BB 露筍擺盤超靚, 而且BB 露筍食落超嫩, 仲有食得出係用勁香嘅牛扒油
喺OPENRICE 搵咗好幾間餐廳, 最後朋友揀咗慢煮工業。於是我就順手喺OPENRICE 訂座, 好多時間揀, 仲可以賺飛行哩數。
我哋BOOK 咗19:30, 老公到咗先想睇下可唔可以先入座, 但係店員話因為用餐時間只有90 分鐘, 叫我哋等齊人先入座。
點知朋友去錯分店, 好彩2 間都近, 咁我哋就坐住等! (大家留意返慢煮工業有2 間分店, 呢間較大)
一入到去見到地下有2 枱客。沿住樓梯上到1 樓, 放咗一套鼓。之後由店員帶位, 嘩! 原來樓上勁大! 好多位!
好在店員安排咗角落位俾我哋, 又唔係好嘈, 好岩傾計。
朋友好快就到咗, 佢話另一間分店好細間, 好彩我哋BOOK 咗呢間。見到MENU 上有個4 人餐, 都好多嘢食, 我哋揀咗呢個餐, 再加左幾款小食。
手機落完單, 好快就上菜啦!
蟹肉芒果沙律
沙律菜新鮮, 芒果唔算好甜, 但可以理解嘅。
配合埋蟹肉食, 正!
蟹肉芒果沙律
$78
33 views
0 likes
0 comments
Sangria Red
酒味適中, 冇飲開酒嘅朋友覺酒味頗濃
Sangria Red
35 views
0 likes
0 comments
燒BB 露筍
擺盤超靚, 而且BB 露筍食落超嫩, 仲有食得出係用勁香嘅牛扒油嚟煮!
燒BB 露筍
$38
32 views
1 likes
0 comments
黑松露蕃薯條
外間食嘅蕃薯條通常粗身D, 但係餐廳用嘅係幼身蕃薯條, 都幾特別。
蕃薯條炸得唔乾, 而且個黑松露醬唔係坊間果D 味 (即係冇乜黑松露味果D) 而係好濃郁黑松露味! 好好食!
黑松露蕃薯條
$58
34 views
0 likes
0 comments
青口
青口中SIZE, 但係本身已經好好食, 唔駛點旁邊個sauce 已經好鮮甜!
青口
26 views
0 likes
0 comments
西西里肉醬意粉
意粉質感超好! 唔會太腍身, 係我鍾意嘅口感!
肉醬意粉超多芝士
西西里肉醬意粉
30 views
0 likes
0 comments
慢煮肉眼牛排12 安士、咸旦黃炸雞鎚(4隻)、烤豬仔脾4 支、烤雜菜
最後上埋呢個如拼盤般嘅肉類同烤雜菜
咸旦黃炸雞鎚 - 有少少乾, 調味不錯
烤豬仔脾 - 好食, 嫩!
烤雜菜 - 不錯! 不過份量偏少。
慢煮肉眼牛排12 安士 - 呢個有D 失望呀! 因為不是想像中般嫩滑, 不過調味還是OK 的!
慢煮肉眼牛排12 安士、咸旦黃炸雞鎚(4隻)、烤豬仔脾4 支、烤雜菜
38 views
0 likes
0 comments
最後, 透過OPENRICE 訂座一枱送一杯Häagen-Dazs 雪糕, 指定口味, 冇得揀!
本身朋友想食甜品, 但係冇乜選擇, 最後只好再ORDER 3 杯雪糕。
朋友們食完都滿意呢餐飯, 食到勁飽但唔算好貴! 而且餐廳冇規定90分鐘要交枱, 所以我哋都傾得好開心! 下次會再嚟!
Post
