越火越式湯粉 (Closed)

今日去西環探朋友，一齊搵間餐廳求奇食，朋友介紹呢間餐廳既晚市套餐幾抵食，又大份，仲唔使加一。。$108餐真係幾抵咁，包括：主食、小食、沙律、特飲。主食我地擇左（香茅豬扒湯河）同（生牛肉湯河），湯底好掂👍🏼牛骨湯香味撲鼻，生牛肉整得岩岩好，夠滑嫩。香茅豬扒分碟上，夠脆又juicy。。小食擇左春卷同炸蝦餅，炸蝦餅要另加+$8 ，炸物好正，全部都好好食。鳳爪沙律同扎肉米紙卷每樣一件，個人較喜歡個扎肉米紙卷，好清新咁。鳳爪沙律就有少少辣辣地。。飲品真心抵，跟餐包埋椰汁冰青檸薄荷梳打，大大杯好抵飲。