元朗鬼巴士 (Closed)

大家都要幫手懲罰一下既高質鹵味店。曾經只係出現於元朗，但越來越多分店，令我行行下街口痕嘅時候都可以吉返兩串。佢每一串食物都係雪櫃到拎出嚟，保持喺凍嘅溫度，然後加入左甜甜地嘅甜醬同豉油（由於我唔鍾意食芥末，所以就冇加到），仲可以叫店員加佢哋自家製造嘅XO辣醬俾你添！如果你諗唔到食乜嘢嘅話，就建議你食佢嘅套餐A/B/C/D,咁就可以試多啲款式，我最推薦嘅係牛栢葉同埋大墨魚，牛柏葉索晒啲醬汁，又夠大塊夠爽口！墨魚一樣出色，彈牙。仲有生腸辟味做得好好！(有啲舖頭要買夠錢先會俾個發泡膠盒你，但只要你買套餐佢就已經比外賣盒你，唔怕倒瀉！）大家記住去懲罰一下小店啦