牛極 (皇后大道東）

Open Now

Now Closed

喺皇后大道東附近返工，成日經過呢間牛極，但就一路都未試過，前排因為疫情，見佢人唔太多，唔太洗排隊，於是決定入嚟試一試！入嚟要做第一樣野，首先係喺自助售賣機，點選自己想要的食物。因為係午膳時間，見佢有套餐，就叫個豚肉腩片黎燒下燒下。主食未到之前，首先要為自己餐前準備：包括裝湯、裝飯、裝沙律，以上都係任食，真係好抵！佢個湯一啲都唔hea，都會有牛肉烹調，配合一啲洋蔥蔬菜，味道都好濃郁，唔係求求其其。而我最欣賞佢嘅白飯，除咗因為係珍珠米，口感好煙韌，最重要係佢可以俾我哋任用嘅紫菜粉，加上啲飯度，真係飯都會食多幾碗。搞下搞下，主食都好快上到枱面。由於佢係原塊石板上檯，你鍾意啲豚肉整幾耐就幾耐，有幾燶就幾燶，鹹魚青菜，各有喜愛！而佢嘅份量都唔少，肉汁都比較濃厚，食完都想再encore！