倫敦大酒樓

Open Now

Now Closed

新年搵地方食飯其實唔易，好彩提早1日都訂到位。本來想訂個杏汁猪肺湯，但可惜酒樓話趕唔切，只好現場再點其他。得9個人，大家新年又餐餐都食到飽飽，今餐就簡簡單單算啦。叫了個“龍馬精神” 半席套餐，再加半隻片皮鴨，牛肉芥蘭，冬菇栗子浸豆苗，1份銀絲卷，豆沙餅，炸煎堆。個“龍馬精神”套餐配搭有點問題，其中《翡翠花支蝦球》，以及《碧綠炒龍球》，都是西芹炒，攞上枱面以為佢重複咗添。另外個《紅燒海皇翅》就好點欺場，我開頭以為上錯咗個海皇羹，好難先搵到條翅其他菜式就可以接受，沒有特別出色。服務員就比較熱情勤快，好多時都在枱邊等候（我個人覺得係等候緊“利是”可能我多心）。