Artisan Lounge (Closed)

位於K11 Musea 入口中庭的Artisan Lounge除左有成個吊起的afternoon tea set為人熟悉，其實仲有焗豬扒飯都不遑多讓的。所以今次黎試左黑松露焗豬扒飯❤️黑松露焗豬扒飯 $268飯粒和黑松露融合在一起，一邊食飯，一邊會嗅到淡淡松露香。番茄汁比飯多，而且汁入面有大量配菜，洋蔥、大粒磨菇，多汁番茄等等…煎蛋上放上數片黑松露，以$268這價錢來說，感覺絕不手軟，豬扒肉厚，食落幾滿足，另外有小番茄伴碟，賣相一流☺️少見豬扒及番茄汁比飯多既焗豬扒飯，雖然飯量少，但因為豬扒厚肉，而且番茄汁內配料滿滿，所以食完依然想當飽肚。喜歡食黑松露或者想試奢華版焗豬扒飯的人可以一試👍🏻