Cocina 3 Tapas Restaurant & Bar (Closed)

喺奧海城睇戲前食個飯先朋友揀左西班牙菜Cocina3一睇到紅磚牆裝修就已經好有西班牙feel餐廳仲有outdoor位 天氣涼啲可以坐室外原來呢間餐廳做緊5周年優惠晚市散叫有88折 另外仲有優惠套餐都幾抵西班牙八爪魚沙律本身以為係沙律菜加幾片八爪魚估唔到八爪魚份量咁多咬落柔軟juicy 一啲都唔韌 好驚喜味道甜甜辣辣 好開胃香煎蟹餅出面多數係炸嘅 呢個冇咁熱氣兩面煎到金黃香脆 入面係滿滿嘅蟹肉好鮮味西班牙黑豚豬腩肉豬皮夠脆口 豬腩肉肥瘦相間 口感鬆化香口配菜嘅薯茸加入黑松露超好食西班牙雞肉辣肉腸燴飯雞肉煎香過 加埋辣肉腸一齊燴飯 粒粒分明但辣肉腸辣味唔夠出 醬汁偏重蕃茄口味