Nathanhouse (Closed)

聽聞奧海城附近開咗間新嘅西式餐廳，見冇煮飯特登走過來試吓。餐廳位置看似有點隱蔽，但其實一上戲院扶手電梯轉過彎就見到餐廳門口，隔離就係大食代，好易搵。前菜沙律唔錯，有我鐘意嘅香草醬配蕃茄同水牛芝士～ 烤豬腩肉配紫蘇葉生菜，豬腩肉烤得非常金黃，伴有芥末汁及生菜，仲有少少紫蘇葉，夠晒香。椰子雞湯燴鮮蜆呢款前菜比較少有，幾特別，肉質夠嫩而且冇沙。香草虎蝦意大利飯勁大碟，食咗一半都已經好飽。餐廳環境夠寧靜，係傾計嘅好地方。