Video
Read full review
2023-05-15
131 views
📌 Cocina 3 Tapas Restaurant & Bar - 大角咀海泓道1號奧海城3期地下G22號舖🗓(15/5) 星期一 ⏰ 晚上7點左右 💈特式：一直都有食開西班牙菜，尤其鐘意佢地個西班牙海鮮飯，今日去開奧海城搵朋友，見到間由外到內都好靚風格嘅西班牙餐廳，所以就順便係度食埋晚飯先返歸。🥩🍔🌭🌮🥗🥯🥘🍲🍝🍣🥟🍤🍱食物：今次叫左佢地個2人set dinner，因為都有晒我想食嘅野，對比返散叫仲要平左好多，仲平過7折價錢，而家等我同大家講下🇪🇸味道先。餐前小食 - 佢地會有個餐前小食供應，不過當然都要比錢啦，不過都只係$45，仲要有得refill，所以都唔算好貴，係墨西哥脆片，不過重點係個沾醬，類似千島醬口味，不過口感更滑更清新。個set dinner就$688，就會包左餐湯，小食及沙律(4選1)，飯及意粉(3選1)，主菜(3選1)，仲有埋甜品。廚師精選餐湯 - 餐湯會附送埋餐包，今日嘅餐湯係我鐘意嘅南瓜湯，正宗西式做法嘅南瓜蓉湯，食落有啖啖南瓜顆粒，好香南瓜味。小食及沙律 - 小食我就揀左西班牙香辣蒜片炒蝦，呢個炒蝦係用個鐵鑊仔上枱，好切合餐廳嘅西班牙風
🗓(15/5) 星期一 ⏰ 晚上7點左右
💈特式：一直都有食開西班牙菜，尤其鐘意佢地個西班牙海鮮飯，今日去開奧海城搵朋友，見到間由外到內都好靚風格嘅西班牙餐廳，所以就順便係度食埋晚飯先返歸。
🥩🍔🌭🌮🥗🥯🥘🍲🍝🍣🥟🍤🍱
食物：今次叫左佢地個2人set dinner，因為都有晒我想食嘅野，對比返散叫仲要平左好多，仲平過7折價錢，而家等我同大家講下🇪🇸味道先。
餐前小食 - 佢地會有個餐前小食供應，不過當然都要比錢啦，不過都只係$45，仲要有得refill，所以都唔算好貴，係墨西哥脆片，不過重點係個沾醬，類似千島醬口味，不過口感更滑更清新。
個set dinner就$688，就會包左餐湯，小食及沙律(4選1)，飯及意粉(3選1)，主菜(3選1)，仲有埋甜品。
廚師精選餐湯 - 餐湯會附送埋餐包，今日嘅餐湯係我鐘意嘅南瓜湯，正宗西式做法嘅南瓜蓉湯，食落有啖啖南瓜顆粒，好香南瓜味。
小食及沙律 - 小食我就揀左西班牙香辣蒜片炒蝦，呢個炒蝦係用個鐵鑊仔上枱，好切合餐廳嘅西班牙風格，而家仲可以keep到食熱辣辣，呢個菜式配以好香濃嘅醬汁，辣味中等，蝦肉配埋蒜片一齊食，好香好惹味。
飯及意粉 - 呢個就一定係揀我最鐘意食嘅西班牙海鮮飯啦，一上枱比我想像中大碟，配料亦都好豐富，用薄薄嘅鐵鑊上菜，感覺好正宗，飯底又做得夠乾身，飯粒入味，整體感覺好正。
主菜 - 我揀左個炭燒紐西蘭羊鞍扒，叫左5成熟，除左炭燒香味仲帶有少少羊騷味，配菜除左杏鮑菇/翠玉瓜/蘿蔔仔，仲有原個烤蒜同薯蓉，估唔到所有配菜都做到好出色，差唔多蓋過主角羊鞍扒嘅鋒芒，烤蒜烤得好香好好食，薯蓉就略帶少少黑松露味，而且做得好creamy。
甜品 - 個set包左份甜品係芒果汁奶凍同士多啤梨蛋糕，味道就正正常常，普通酒店自助餐甜品級數。
☕️🍵🥤🧋🍺🍷🥃🍹🧉🍾🍶🥛
飲品 : 個set就無包飲品，不過叫set就可以半價叫佢地嘅精選雞尾酒同埋special drink，折左都係$3~40蚊一杯雞尾酒或特飲，都算幾優惠。我就叫左杯芒果熱情果梳打，味道唔錯，有係酒吧飲嘅級數。
🍽環境：佢地個環境真係好靚，我好鐘意，首先佢地個石拱門入口好有西班牙feel，之後入面嘅牆身都係各有唔同特式，枱櫈就用上鮮紅色，好有鬥牛勇士感覺，佢天花仲有兩個好大嘅木質牛頭裝飾。另外，佢地仲有幾張室外枱，如果秋冬天坐係戶外用餐都應該幾舒服。
🤵🏻🤵🏻♀️🤵🏻♂️服務：餐廳職員態度好好，好有笑容同好有禮貌，介紹menu時亦好仔細詳盡，飲品有半價優惠都係職員提我先知。
💰💸價錢：呢個2人set dinner就係$688再加一，如果散叫返set內食物計過都要過千蚊，佢而家變左係打左個7折多d，所以叫set都幾抵食。
🐲💬總結：我覺得佢地d食物出品真心唔錯，尤其是個環境真係好靚好舒服，用餐體驗即時提升左不少。
推薦指數：❤️❤️❤️❤️🤍
3 views
0 likes
0 comments
南瓜湯
3 views
0 likes
0 comments
西班牙香辣蒜片炒蝦
6 views
0 likes
0 comments
西班牙海鮮飯
6 views
1 likes
0 comments
炭燒紐西蘭羊鞍扒
3 views
0 likes
0 comments
甜品
3 views
0 likes
0 comments
芒果熱情果梳打
$34
6 views
0 likes
0 comments
Post
