十二味貴陽牛肉粉 (Closed)

今日放工約咗朋友敘舊去奧海城一間新餐廳食飯，餐廳叫做十二味貴陽牛肉粉！朋友話想坐室外因為呢排天氣都唔錯幾舒服。好，講返食物先，我叫左一個清燉牛肉粉，味道都唔錯，而且食得出個湯底唔似出面食嗰啲味精湯底咁，應該係廚房師傅都用左唔少心機時間同啲原材料去整出嚟嘅，湯底食得出有牛骨嘅味道，湯底唔算太濃，配上米線食都唔係一個唔錯嘅配搭。而且枱面都有唔同嘅調味料可以自由配搭例如有一啲麻粉辣粉等，方便調教自己個人嘅口味，另外牛肉味道都唔錯有牛肉味而且肉身都幾滑口！另外我仲同朋友夾左幾個小食，其中紅油木耳最為突出，紅油木耳酸酸地又有少少辣食完幾開胃仲有我哋叫咗個手撕雞，都唔錯有少少辣，而且手撕雞食落都幾有口感唔會去一嚿嚿咁樣有時想約幾個朋友敘舊傾吓計其實都可以去返呢度食嘢因為室外個環境幾舒服幾好挫