Video
Read full review
2012-06-27
104 views
以前食德國野, 就係識去赤柱OR尖沙咀O個間, 得知奧海三期都開左間德國野, 一大班人黎試下先黎要左個煙三文魚黑麥包, 一客有四件, 煙三文魚鮮味十足, 清新的醬汁加上有咬口的黑麥包, 一軟一硬, 幾好食再來的是豬肉釀磨菇, 個汁幾濃, 而且磨菇入哂味, 唔錯跟住要上主菜了, 鹹豬手~~~~ 今次食既又冇前人所講既嚴重皮肉分離現象, 皮脆肉嫩, 有油香, 不過肉既味道事實係偏淡, 如果可以濃味D會夠好加上有兩款芥辣, 唔錯~~燒春雞拼煙肉, 燒肉雞D肉好滑啊~ 香草味入哂D雞肉入面香腸拼盤, 已經分唔出每一隻既味道喇, 不過佢個感覺好似係恰出黎, 冇煎咁香口食咁多肉類, 當然唔少得飲番杯啤酒, 夠哂冰凍最後要左個洋蔥PIZZA~~呢個真係超超超好食, 洋蔥+芝士+火腿簡直是完美的組合, 餅底十分鬆軟~正~呢間德國餐廳, 雖然未係頂級好食, 但係一大班人黎開下餐, 都不失為一個好選擇
以前食德國野, 就係識去赤柱OR尖沙咀O個間, 得知奧海三期都開左間德國野, 一大班人黎試下
先黎要左個煙三文魚黑麥包, 一客有四件, 煙三文魚鮮味十足, 清新的醬汁加上有咬口的黑麥包, 一軟一硬, 幾好食
再來的是豬肉釀磨菇, 個汁幾濃, 而且磨菇入哂味, 唔錯
跟住要上主菜了, 鹹豬手~~~~ 今次食既又冇前人所講既嚴重皮肉分離現象, 皮脆肉嫩, 有油香, 不過肉既味道事實係偏淡, 如果可以濃味D會夠好
加上有兩款芥辣, 唔錯~~
燒春雞拼煙肉, 燒肉雞D肉好滑啊~ 香草味入哂D雞肉入面
香腸拼盤, 已經分唔出每一隻既味道喇, 不過佢個感覺好似係恰出黎, 冇煎咁香口
食咁多肉類, 當然唔少得飲番杯啤酒, 夠哂冰凍
最後要左個洋蔥PIZZA~~呢個真係超超超好食, 洋蔥+芝士+火腿簡直是完美的組合, 餅底十分鬆軟~正~
呢間德國餐廳, 雖然未係頂級好食, 但係一大班人黎開下餐, 都不失為一個好選擇
Post
