Cocina 3 Tapas Restaurant & Bar (Closed)

同朋友嚟奧海城搵食，見到呢間酒吧餐廳環境闊落，好適合傾偈飲嘢聚餐咁，就試吓～芒果蟹肉沙律$128香甜清爽嘅芒果肉，配搭啖啖蟹肉，好味又消暑，唔使一分鐘就俾我哋清晒😋經典BBQ汁燒豬肋排配松露炒雜菌$248豬肋排燒得恰到好處，唔會太乾身，肉質鬆軟，而且好大條！每一啖都沾滿濃郁嘅BBQ醬汁～配菜有多種選擇，除咗一般嘅薯條或者沙律之外，仲有松露炒雜菌，份量都唔算少，有淡淡的黑松露醬香，值得推介。龍蝦汁大蝦海鮮寬條麵$148醬汁嘅龍蝦味就唔係好食得出，寬條麵有啲散。不過啲海鮮同埋隻大蝦鮮味十足！另外，一坐低嘅時候侍應就會擺低墨西哥粟米片配沙律醬，好濃郁嘅芝士味，食到停唔到，食都唔夠仲可以refill添呀~呢個係要收費$45嘅～整體來講，呢間餐廳係同朋友聚餐飲嘢傾偈嘅好去處。