甜牙牙

Open Now

Now Closed

數學題，傳說女人都有兩個胃，咁2個女人總共有幾多個胃？答案係，可以食到3個甜品🍧🍧🍧由於我哋叫嘅甜品都係即叫即整，大約等了15分鐘就有得食🍴🍨Tiramisu 窩夫+曲奇雪糕$72其實係原味窩夫配Tiramisu 蛋糕，窩夫食落非常鬆脆，唔算厚實，搭配Tiramisu 蛋糕同曲奇雪糕一齊食，口感顯得非常豐富。🍨士多啤梨鬆餅+ 士多啤梨雪糕 $88鬆餅一上枱就聞到濃濃嘅蛋香味，口感軟綿，配忌廉一齊食，口感更加軟滑。🍨朱古力心太軟＋曲奇雪糕$70心太軟上枱時熱辣辣，外層鬆脆，切開後見到滿滿嘅朱古力醬，朱古力醬非常香濃，伴有杏仁，曲奇碎和曲奇雪糕一齊食，味道非常之夾。除咗以上甜品之外，仲有其他中式糖水、水果茶等可以選擇。