祥景茶餐廳 (Moved) New Location

周身骨痛費事買餸, 是日求求其其外賣個飯盒晚餐, 來個女人的浪漫 鮮茄牛肉飯 + 熱檸水呢個鮮茄牛肉飯 絕對係重量級, 因為好大兜飯, 而且餸又多汁又多, 先講啲飯, 飯唔夠熱而且係有啲啲未熟透嘅, 咁樣都算, 不過硬係唔明點解啲蕃茄汁可以紅得咁緊要, 而且味道又酸得好緊要, 牛肉就有好多片, 雖然我就冇數過有幾多, 牛肉味道好一般, 都冇預期會係好好食啦, 不過係冇諗到會係咁樣嘅味啫。嗰杯好普通嘅檸檬水飲落一啲都唔普通, 因為啲檸檬係好澀, 飲落口一啲都唔舒服。呢個女人的浪漫, 真係一啲都唔浪漫。