baby café (Closed)

跟親友食完正餐，表妹吵鬧着要吃甜品，果然女孩子都有第二個胃？行左一輪，結果表妹話想試下baby café。Café的是開放式，令到空間感大左好多，加上黑白顏色設計，感覺即時升左呢。餐廳採取半自助形式，先在電視Panel揀選心水食品，再到櫃台落單，侍應會比個號碼牌你，然後自己去揾位，好彩當日唔係好多人，好順利就坐低左。表妹叫左款「石板街朱古力蛋糕配雪糕」，朱古力味堅濃，但對我來講太甜，所以自己點左件「木糠芝士餅配雪糕」，芝士感覺不太重，配啖雪糕剛剛好，味道清清地，唔怕頂住個胃，又可以過下口癮。有機會下次都想試下D主食，因為隔離枱的Risotto實在是太香，可惜之前已經食飽飽 > <”