桃子Cafe (Closed)

行行下女人街有間叫桃子cafe,夜晚8點幾都有人排隊食，見唔趕時間就排下隊食，等了十幾分鐘就到我地入去。店舖不算好大但乾乾淨淨。餐牌上的晚餐種類有好多款，我同老公一人一個餐，一個和風卡邦尼意粉一個每日限量的日式咖哩漢堡蛋包飯，飲品叫咗兩杯特飲柚子蜜青檸梳打同草莓梳打。有位疑似老闆娘透露原來日式咖哩漢堡係老闆每朝8點就返舖頭製作漢堡，當中係用咗安格斯牛同西冷牛整成。嘩......舖頭開下午12點，老闆真係好有心機，真係有血有汗，咖啡唔太辣好有日式風味，意粉味道啱啱好，好多海鮮，我又試下將啲咖哩汁撈入啲意粉到又好好味呀，好味到將兩個晚餐清晒👏🏻👏🏻