豐味車仔麵

Open Now

Now Closed

女人街嘅兩旁都好多餐廳，多到唔知點揀好，跟住小編去搵好食的店就唔會中伏啦！ 😋 魚肉春卷、豬大腸、蘿蔔油麵 $42 1個餸就28蚊，然後每個餸加$7，講真車仔麵食到呢個價都算貴，但喺旺角呢啲地方都唯有默默接受。魚肉春卷喺餐牌上面有隻手指公，咁就試吓啦🤣 其實即係腐皮包住魚肉，有兩條，一條粗啲一條無咁粗，好香魚肉味都唔會過鹹～ 豬大腸都幾厚身，但因為中間都多脂肪，咁就叫埋蘿蔔啦清清地🤪 蘿蔔堅係清甜無楂，有四嚿～ 油麵同其他車仔麵舖食開嘅好似有啲唔同，陣味無咁重同幼身啲～ 腩汁都香牛腩味，唔錯！