豐味車仔麵

Open Now

Now Closed

餐廳做緊七周年活動 碗內有免費两字 該碗粉麵就免找數 每日随機送出廿碗粉麵 而我竟然抽中咗😆自選車仔麵車仔麵一定要食滷水汁㨂公仔麵而豐味嘅配料都幾多選擇🥰👍🏻㨂咗酸齋 芋絲 雞翼 貢丸 同埋豬腸 真心推介雞翼滷得好入味👍🏻🥰豬腸都好乾淨冇壓味👍🏻🥰

抽中咗全碗免費🆓今日想食得健康啲 就嗌咗淨餸佢個蠔油冬菇都幾入味 大大粒同埋佢嘅豬骨湯勁清甜我平時唔飲湯嘅 都忍唔住飲咗第一次食豬紅個口感都幾滑溜 唔會容易散開豬紅都係健康嘅選擇下次食車仔麵都會嗌佢！蘿蔔都唔錯 幾清甜車仔麵仲有薯粉可以揀 款式選擇都幾多 仲有麻辣燙同埋重慶酸辣麵 價錢實惠 而且味道唔錯👍🏻值得一試

叫左個墨魚丸，同埋雞中翼，一食落去個丸有啲奇怪，但係冇為意照食咗，結果一個鐘頭後就食物中毒開始肚痛同埋嘔，間野長期個漂白水味勁大，啲姐姐啲態度又勁差🙏🏻唔會再食

#豐味車仔麵 早兩三年前已經知道有呢間舖頭，不過因為唔同原因一直都冇去食。近期見到佢哋做緊大優惠有機會免費食麵，雖然明知好運不是我都想去試一試。原來佢有下午茶兩點半後開始送飲品，$29一餸一麵當然唔夠，每家一餸加$8，今次叫咗三餸$45。豬大腸非常一流，夠淋夠入味而且仲有少少肥，暫時食過咁多間車仔麵嚟講做得最好👍豬紅都做得唔錯，味道雖然唔係最傳統嗰種，但都算可以，至少唔係白烚無味嗰種。近期多食咗蘿蔔，質地都夠淋一種清甜味。油麵雖然浸咗一陣但仍然幾爽口。免費麵就食唔到，但下午茶時段飲到杯免費凍檸茶都算唔錯，係真心唔錯。食完今次之後恐怕其他嘅豬大腸都要比下去😅

《豐味車仔麵の食評》 by@ihungry.hk嚟香港，點伯唔食返碗地道車仔麵🥰？位於旺角豐味車仔麵，裝修充滿懷舊港式風味，提供多達42款不同配料，價錢仲要超超超抵食，口味都非常地道，真係應有盡有！🔸『港式車仔麵 - $29』▶️另加餸每款$8小編揀嘅湯底用啲上等豬骨同雞骨慢慢燶滾製成，香噴噴，濃郁啖啖有味！麵粉新鮮度高,彈牙彈牙嘅口感好正啱！車仔麵提供多達42款不同配料，配料非常新鮮！🔸『正宗重慶酸辣粉 - $34』▶️另加餸每款$8重慶人祖傳嘅手藝，酸辣味重到入咗肺！既酸又辣，經典滋味，令到啲酸辣粉入晒味，好滿足！配上獨特嘅醃料同香菜，辣到流眼淚都好滿足啦!🤪iHungry肚餓指數：7.8/10

我老婆：今日好想食車仔麵。朋友介紹一定要去旺角豐味試一試。放工後拖着疲累的身軀，去到店舖見到環境乾淨光猛，服務員態度亦好好，即刻坐低睇吓食咩先！點完嘢食之後見到咁啱店舖做緊七周年慶祝，每日隨機送出20碗麵。心諗平時六合彩又唔見我中，我應該都冇份。點知碗麵嚟到嘅時候竟然寫住免費！開心到彈起～！多謝豐味！好啦，講吓碗嘢食先。魷魚夠爽脆，牛丸亦彈牙。朋友果然冇介紹錯～下次必定會再嚟～我本人：車仔麵嚟講算幾抵食。最近經濟唔好，財政上有些困難，而家送碗麵俾我哋，真係雪中送炭。

Fung Mei Noodle is celebrating their 7th anniversary and is giving away 20 bowls of free cart noodles daily!Felt like having something more exciting for my taste buds so I picked hot and sour potato noodles with beef brisket, beef tendons, choy sum and radish. The potato noodles were soft and smooth. My favorite topping was the extra tender and gelatinous beef tendons.My mom was super lucky to receive a bowl of free noodles! Her choice was mixian with pig red, tofu puff, fish ball and konjac rol

豐味車仔麵旺角通菜街2A-2P號鴻光商場地下2J號舖味道評分:☄️(必食之選)>☀️>🌤>⛅️>💨☄️正宗重慶酸辣粉4餸 $40每日限20個嘅免費碗居然比我地抽中左！！！臭手運嘅我表示係咪要開始轉運啦🥹🥹🥹4個餸我分別簡左雞翼，魚肉春卷，午餐肉同埋豆卜。所有餸都幾岩我口味，魚肉春卷要食！豆卜浸透醬汁☺️午餐肉有兩塊，仲要係切到大大塊，食落就係大滿足❤️值得稱讚嘅仲有酸辣粉同車仔麵一樣咁自由可以自己簡辣度同埋麵底，岩哂我依啲唔食得辣都想食酸辣嘅人！☄️港式車仔麵 3餸 $32（另加餸+$8）依碗麵性值比都幾高！我簡左4餸紫菜、蘿白、豬紅、豬皮，全部都好推薦☺️蘿白完全冇渣，每樣都有至少兩件，絕對唔馬虎！中意腩汁嘅仲可以落單時圈埋，湯底更濃郁！✅想睇更多食評就要follow @gulugirl102 🐰

一直都鐘意食車仔麵，朋友同我講豐味車仔麵最近有一系列精彩的7周年慶祝活動，每日隨機送出20碗免費車仔麵的活動。碗內有「免費」二字的幸運兒就可以免費享用一碗車仔麵。咁就要去碰吓運氣啦，點知運氣好好 中咗一碗車仔麵。豐味車仔麵位於一條小巷內，環境雖然不大但十分整潔舒適。店內採用木質裝潢，配以懷舊的車仔麵擺設，氣氛晤錯！我中咗免費車仔麵，揀咗魚片頭、滷水蛋、蘿蔔、魚皮餃、仲揀咗最鐘意嘅河粉，用咗腩汁湯底。麵條Q彈有勁，魚片鮮嫩多汁，滷水蛋同蘿蔔好入味魚皮餃餡料飽滿，河粉吸收晒腩汁湯底，好正。朋友食得辣，揀咗正宗的重慶酸辣粉，用咗薯粉、魷魚、牛腩、豬紅和魚肉春卷作配料。薯粉Q彈，湯頭酸辣開胃，配料都好高質！

天氣熱有時候更想食辣，最近就去左【豐味車仔麵】食野。雖然個名有車仔麵3個字、但就唔只車仔麵食、仲有酸辣粉同麻辣燙。好辣既我當然叫左酸辣粉。$34包一餸、之後每加一餸就加$8。我就叫左酸辣粉小辣小酸配4餸，雞中翼、魚肉春卷、響鈴同芝士丸。辣度同酸度岩岩好、薯粉都好入味、而且爽口滑溜。雞中翼鹵到好入味、魚肉春卷同響鈴吸收曬D湯汁好正！非常推薦呢3樣餸。餐廳做緊7周年活動，碗內有免費二字、 該碗粉麵就免費， 每日隨機送出20 碗粉麵。而我禁岩又有免費二字！！

🙈又經過女人街搵食！女人街頭先實在太多餐廳！我都試過晒，今次想試吓呢一間車仔麵！佢有我想食嘅酸辣粉^_^🍜車仔麵來講老公一向都有食，方便快捷即叫即做，好食嘅都好難搵！但係亦都會試好多唔同嘅車仔麵檔，呢間唔錯，面底唔淋湯底夠濃，今次叫晒牛筋牛腩牛丸，夠淋夠牛味，可以下次再食！好食🌟🌟🌟🌟🍜酸辣粉我對酸辣粉有要求，粉一定要夠煙靭，湯底要夠濃夠辣，豐和唔錯，配餸都唔錯！平時行過可以試吓！好食🌟🌟🌟🌟回頭率🌟🌟🌟🌟推介🈵🈵🈵🈵🎉餐廳做緊7周年活動🎉🎊碗內有 <<免費>> 二字就免費㗎🤩🎁每日隨機送出20 碗粉麵，快啲試吓🙌🏼〰️〰️〰️〰️〰️〰️〰️〰️〰️〰️〰️〰️〰️車仔麵 $29- 幼麵- 豬骨清湯- 牛筋- 牛腩 ＄8- 牛柏葉 $8- 牛丸 $8凍鴛鴦 重慶酸辣粉 $34-中辣- 薯粉-魚皮餃- 雞中翼 $8- 豬大腸 $8-黑椒牛丸 $8凍檸茶===========$111/2人，每人$55.5

-豐味車仔麵🍽️-餐廳做緊7周年活動，碗內有免費二字, 該碗粉麵就免費, 每日 隨機 送出 20 碗粉麵,而我竟然抽中‼️-自選車仔麵-車仔麵一定要食腩汁油麵！豐味既配料都幾多選擇😍揀左魚皮餃/魚肉春卷/雞翼/酸齋推介雞翼滷得好入味😋-自選酸辣粉酸辣粉個湯底唔錯小辣唔算好辣😌酸辣湯必定要配呢幾樣野！就係豬腸/魷魚/魚腐/娃娃菜因為勁索味😋魷魚勁爽脆😌豬腸都好乾淨冇壓味👍-🌟評分:🏅🏅🏅🏅📍地址: 旺角通菜街2A-2P號鴻光商場地下2J號舖-#foodieluveat#foodisluveat_hk#foodieluveat_旺角#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #旺角 #車仔麵 #港式粉麵 #旺角車仔麵

旺角呢間車仔麵聽聞而家做緊7周年活動每日隨機送出20碗麵🤩即刻拉埋朋友黎碰碰運氣😆除咗車仔麵仲有酸辣粉同麻辣燙酸辣粉仲要係正宗重慶酸辣粉好耐冇食過既我 二話不說就要叫黎食🤩唔食辣既朋友就叫返車仔麵🤪本身都係諗住湊下熱鬧 碰下運氣點知❗我地中左❗真係好驚喜呀❗雖然係Free, 但碗麵一D都唔hea同酸辣粉一樣 大大碗 好足料👏🏻大推佢地既豬紅同蘿白 好入味🥹蠔油冬菇都好夠味好淋 😳姐姐仲話佢地既蠔油冬菇好多人食架我地剛剛好係最後一份🥳咁都俾我地食到今日真係好運寶寶上線😆😆😆

旺角呢間豐味車仔麵, 估唔到星期六下午茶時段都好多人; 呢間係一間價錢都算平, 主打港式車仔麵及重慶酸辣粉同, 又有四川麻辣燙 , 4餸麵都係$5x左右, 非常抵食, 餸菜選擇有42款, 都係一啲比較大路嘅選擇; 餐廳裝修都係舊香港fee, 睇餐牌嗰陣時比呢張”免費”牌吸引到, 原來餐廳慶祝七週年, 每日會隨機送20碗麵呀, 見到他們有週年推廣優惠, 可以再同多啲朋友嚟食先!酸辣粉我老公要食酸辣粉, 配咗豬腸, 牛腩, 魚肉春卷, 雞翼, 要小辣; 酸辣粉嘅味道唔使多講都知道咩味, 都夠辣, 佢真係好大碗！豬腸洗得好乾淨, 大推一下佢哋嘅牛腩, 雖然佢跟酸辣湯底, 但都冇比酸辣湯蓋過本身滷水嘅味道, 煮得好腍好入味; 魚肉春卷嘅魚肉都幾香, 配酸辣湯就啱喇, 雞翼又入味又大隻; 我老公個碗居然中咗”免費”呀, 真係興奮到’嘩’ 一聲, 有啲嚇親人呀!4款餸麵我另一碗要咗蘿蔔, 墨丸, 酸齋, 雞翼尖加滷水汁, 要小辣配米粉雖然碗麵免費但係都好食喎！蘿蔔又甜又腍, 雞翼尖肉質嫩滑, 滷水汁超入味, 一食係會離哂骨, 最欣賞酸齋會分開上, 不會和湯底互相破壞了原本的味道。我地仲叫咗一人一杯

朋友知道呢間餐廳做緊7周年活動，碗內有免費二字，嗰碗粉麵就免費，每日 隨機 送出 20 碗粉麵，我就同朋友碰下運氣，睇下有冇免費🆓午餐食😂港式車仔麵湯底叫咗豬骨清湯加腩汁，充滿獨有的港式特色和濃郁層次口感。配料就揀咗彈牙的魚蛋、鮮甜無渣的白蘿蔔、豬大腸、脆卜卜的炸魚皮。正宗重慶酸辣粉本身湯底已附送榨菜、芫荽、花生，味道麻辣、鮮香、酸且油而不膩。薯粉口感Q彈，好易咬開，吸住湯汁。配料揀咗魚香味重的魚肉春卷、每條都粗粗的魷魚🦑、雞翼、爽脆可口的牛栢葉。配料有好多款～另加餸都係加$8，好扺食。