Video
Read full review
2018-08-03
1176 views
女人街入面食肆甚多，泰國野、日本野、西式野、鐵板燒、韓國野，乜都有。事實上呢間水蜜桃餐室，我地兩三個月前來過一次，但果日平日都滿座，於是就去左其他地方食，今日見有得早走，就來呢度睇下，因為時間尚早，所以都唔算好多人，加上遇著兩枱啱啱埋單，於是就有機會食到。成間餐廳都有約莫四十幾個位，一般冰室格局，一邊係卡位，燈光暗暗地，都算坐得舒適。menu係西餐為主，有鐵板類嘅牛、三文魚、雞扒；仲有沙律、飯、意粉、小食、雪芭，仲有石板燒系列，以晚餐來計，價錢都唔貴。而且佢有唔少追加嘅小食，都幾平。晚市有三款套餐，價錢係78蚊，包主食、餐湯、包、飲品。甘荀忌廉湯幾濃郁，同埋杰身，朋友就唔鐘意，我覺得可以嘅，仲加左酥皮 (12)，酥皮即焗，都幾酥脆。鐵板燒紐西蘭牛柳 118：點左七成熟，諗住如果有鐵板，就啱啱好。可配飯/意粉/薯菜，我地揀左薯菜。鐵板類上枱時都幾浮誇，店員會加少少酒，再點火，幾有趣，又等相機食下囉。好耐冇食過鐵板，鐵板吱吱聲，又確係幾有風味牛柳有三大塊，每塊都幾厚身，好在熟成度都可以，唔會太老或者鞋。切落仲有彈性，雖然無乜肉味可言，勝在性價比都算高，配左黑椒汁，另外都會食到有啲咁多酒味。
menu係西餐為主，有鐵板類嘅牛、三文魚、雞扒；仲有沙律、飯、意粉、小食、雪芭，仲有石板燒系列，以晚餐來計，價錢都唔貴。而且佢有唔少追加嘅小食，都幾平。晚市有三款套餐，價錢係78蚊，包主食、餐湯、包、飲品。
甘荀忌廉湯幾濃郁，同埋杰身，朋友就唔鐘意，我覺得可以嘅，仲加左酥皮 (12)，酥皮即焗，都幾酥脆。
鐵板燒紐西蘭牛柳 118：
點左七成熟，諗住如果有鐵板，就啱啱好。可配飯/意粉/薯菜，我地揀左薯菜。鐵板類上枱時都幾浮誇，店員會加少少酒，再點火，幾有趣，又等相機食下囉。好耐冇食過鐵板，鐵板吱吱聲，又確係幾有風味牛柳有三大塊，每塊都幾厚身，好在熟成度都可以，唔會太老或者鞋。切落仲有彈性，雖然無乜肉味可言，勝在性價比都算高，配左黑椒汁，另外都會食到有啲咁多酒味。墊底嘅薯仔因為被汁堆住，食落會較淋身。
xo醬鮮蝦炒意粉 92：
鐘唔鐘意xo醬就見仁見智啦，我地都鐘意果陣味嘅，除左xo醬幾香口惹味，仲加左d彩椒，意粉煮到幾淋身，雖然油左少少。裡面有四、五隻蝦，大隻爽口，都幾新鮮。
呢度有唔少追加項目，例如小食同雪芭都有優惠價，咁見好多人都有加，所以我地都試下。
蒜香雞中翼 18
跟餐18元，即時炸，真係新鮮熱辣，外皮係硬脆，肉唔會乾，都幾好食。
蟹肉炸薯餅 18：
唔覺得有蟹肉，可能存在感太低，但炸得幾香脆，點d沙律醬都係好食，一份三件，幾大舊添。
蜜桃雪芭 35：
叫起，因為雪到好冰凍，可以預早少少叫定，上枱時店員都會用火槍興一興，等你可以即時食到，做法細心。呢款雪芭我之前喺公司附近工廈買過，都係差唔多價錢。蜜桃幾香甜，甜度少少高，但我幾鐘意質地夠滑。
椰子雪糕 28：
呢款係我個人認為全個系列最好食嘅，質地係雪糕，厚身無冰感，雖然椰香唔係好濃，反而奶味重d，不過食完炸物，食雪糕又好雪芭又好，都係一流
凍檸茶 3、凍特濃谷咕 5：
Post
