北海道十勝豚丼 (Closed)

朱古力芝士咖喱厚燒豬扒飯 ($45)見到個名覺得好奇怪,朱古力芝士咖喱,完全想像唔到係咩味。橫顧四周,都好似無咩人食咖喱飯,真係有點擔心。幸好只是咖喱加上少許朱古力漿和芝士,撈勻了也是咖喱味,少少辣。厚燒豬扒有點鞋。豬肩胛飯($35) 豬肩胛好似豬頸肉咁,肥肥地,肉質爽,幾好味。不過飯就有好多汁,又甜,搞到d飯好濕。份量都足夠,一個人食都好飽。士多啤梨/蜜桃梳打($18 買一送一)我覺得士多啤梨似藥水味,不過我男友反而覺得蜜桃似藥水味...芝蔴薯餅($12 一件)平時的薯餅係用薯仔做成,但這個係用黃芯番薯做成的,都幾特別。味道也不錯,外表炸得脆脆的,番薯肉又甜甜的軟棉棉。