Video
Read full review
2021-07-18
3082 views
🫖女人街飲啖茶食個包🫖推介指數❤️❤️❤️❤️🤍忙裏偷閒，得閒當然要同朋友見下面吹下水啦，食完仲可以行街四圍hea下，經過幾番熱烈討論約會地區旺角係我哋最終嘅選擇。之後响民主機制票選中日台菜式… 經過一輪黑箱作業下，點心大獲全勝😂😂 #未試過想試下都好正常啫女人街真係愈開愈多食肆，食點心都係第一次。小店位於地舖，由兆萬中心行過去都係3分鐘左右。吹一餐水，食咗兩轉，食咗午市同下午茶😂😂以受歡迎程度排列：🥢竹炭熔岩奶皇包HKD24✨包包新鮮軟熟，奶皇流沙且甜度剛好🥢荷葉黑椒牛仔骨飯HKD48✨蒸飯熟成度剛好帶清香荷葉味，黑椒牛仔骨味道濃食落唔韌，但就肥咗啲😂🥢粟米煎牛餅HKD25✨牛肉餅外層脆卜卜又卜卜脆🥢蟹肉菜苗燒賣HKD29✨餡料爆滿，口感爽口彈牙，菜苗新鮮🥢晶瑩鮮蝦餃HKd32✨一籠有四粒，食落皮薄，餡料蝦同豬肉都夠份量🥢金翅瑤柱灌湯餃HKD38✨一向比較貴嘅功夫點心，湯底鮮甜，灌湯餃皮薄，餡料豬肉味冬菇味突出🥢鮮肉灌湯小籠包HKD29✨外觀同口感都似蒸急凍小籠包🥲傾傾下，食到下午茶時段，好抵食喎！有下午茶點心拼盤、蒸飯套餐同點心套餐。不過已經飽飽地，食多少少🤏先～🫖下午茶點心套餐HKD37
推介指數❤️❤️❤️❤️🤍
忙裏偷閒，得閒當然要同朋友見下面吹下水啦，食完仲可以行街四圍hea下，經過幾番熱烈討論約會地區旺角係我哋最終嘅選擇。之後响民主機制票選中日台菜式… 經過一輪黑箱作業下，點心大獲全勝😂😂 #未試過想試下都好正常啫
女人街真係愈開愈多食肆，食點心都係第一次。小店位於地舖，由兆萬中心行過去都係3分鐘左右。吹一餐水，食咗兩轉，食咗午市同下午茶😂😂
以受歡迎程度排列：
🥢竹炭熔岩奶皇包HKD24
✨包包新鮮軟熟，奶皇流沙且甜度剛好
🥢荷葉黑椒牛仔骨飯HKD48
✨蒸飯熟成度剛好帶清香荷葉味，黑椒牛仔骨味道濃食落唔韌，但就肥咗啲😂
🥢粟米煎牛餅HKD25
✨牛肉餅外層脆卜卜又卜卜脆
🥢蟹肉菜苗燒賣HKD29
✨餡料爆滿，口感爽口彈牙，菜苗新鮮
🥢晶瑩鮮蝦餃HKd32
✨一籠有四粒，食落皮薄，餡料蝦同豬肉都夠份量
🥢金翅瑤柱灌湯餃HKD38
✨一向比較貴嘅功夫點心，湯底鮮甜，灌湯餃皮薄，餡料豬肉味冬菇味突出
🥢鮮肉灌湯小籠包HKD29
✨外觀同口感都似蒸急凍小籠包🥲
傾傾下，食到下午茶時段，好抵食喎！有下午茶點心拼盤、蒸飯套餐同點心套餐。不過已經飽飽地，食多少少🤏先～
🫖下午茶點心套餐HKD37/2款
🥢蒜香南瓜蒸排骨✨熟成度啱啱好，食落肉質滑溜
🥢海苔香煎蘿蔔糕
✨煎得香脆，連埋海苔食或者甜醬更提升味道
🫖下午茶點心套餐HKD37/2款
🥢懷舊紙包骨
✨製作繁複經好少地方提供嘅點心，以油紙製成紙袋，再放入排骨同醬汁，連袋放入油鍋炸，鎖住肉汁。
🥢車仔混醬布拉腸粉
✨香港人食腸粉識食一定食混醬，啲醬好豪浸住啲腸粉😂腸粉食落好滑，質感比較腍身，如果挺身啲比較好
🧊半價凍咖啡HKD9
✨下午茶所有飲品半價，正常發揮
總結：-
食物❤️❤️❤️❣️🤍
環境❤️❤️❤️❣️🤍
服務❤️❤️❤️❤️❤️(店員有禮親切，反應超快)
.
·
·
🏠 喜惶點心專門店 (旺角)
📍 旺角通菜街17號地下
Post
