Morokok (家樂坊)

Open Now

Now Closed

近排見到好多網上面同埋IG都有推介呢一間新開喺家樂坊嘅餐廳，所以我同friend就決定去試一試，因為知道平時有好多人排隊，所以我哋都一早預約左去食飯。一入去已經見到餐廳裝修得好靚同埋有好多打卡位，唔知係咪因為啲顧客係女仔比較多，所以啲店員多數都係男仔。我哋幾個人叫咗六樣嘢同埋一人一杯飲品，個椰青係成個開俾你嘅我，而且椰青水都好甜好清新。首先我哋叫咗泰式小食拼盤，個小食拼盤好適合大家share黎食，啲雞翼同埋春卷都整得好好食。然後仲有蒲燒鰻魚海膽炒飯，個鰻魚好大件好抵食，而且啲炒飯都味道唔錯，不過我就覺得冇乜海膽味，除咗呢樣之外都係唔錯嘅選擇。另外我哋叫咗一碟通菜，雖然菜式普通左少少，但係都炒得幾好食蛋包泰式炒金邊伴扒大虎蝦，呢個應該係最多人推介嘅食物，個金邊粉樣已經好靚，而且我覺得味道都係唔錯嘅，所以如果大家嚟一定要點呢樣餸！柚子千島醬薄餅係我唯一一個覺得一般嘅食物，可能因為Pizza上面嘅料唔多，而且佢個係有少少凍左，所以食落去就覺得麻麻地。芒果糯米飯又係另一個必點嘅嘢食，上嗰陣仲係熱熱地，芒果好甜而且糯米飯都好好食，好岩打卡。