空

Open Now

Now Closed

女朋友生日就梗食啲有質素嘅野黎填飽佢肚啦，上網睇尖東新開左一間日本餐廳，專食 omakese， $1180一位，雖然唔平但為左女友高興，貴啲都值得去嘅！一開波侍應就送左杯香噴噴嘅濃玄米綠茶，比同平時飲開綠茶唔同，比轉濃。之後頭盤係一個比較酸嘅櫻桃。拼盤上面有傳說中嘅鮑魚天婦羅，再配上鮑汁，一流！另外果個係窩筍，第一次食很特別，有配米通同沙律醬，幾開胃嘅。再黎嘅係兵庫縣蠔，又大隻又肥美，完全無鹹水，好想再食多件。深海池魚，平淡得淡又啲海鮮味。金目雕上面放左啲辣麵豉醬，雖然我唔食得辣，但都可以整個食得哂。北海道北貝螺，正常口味，軟得黎又有口感。北海道牡丹蝦，超大隻又肥美，上面重有燒過嘅蝦膏同藍色蝦籽，粒粒爽口！中拖羅超級好味！近江和牛，成場最好味嘅食物，一入口即溶, 最可愛係仲有隻脆炸蟹仔！金目雕魚鮫，魚身好滑流。太刀魚，上面放左啲胡椒柚子，甜甜得黎又好味。北海道海膽，啲海膽多到嚇死人，啖啖都有海膽味。魚湯極有鮮魚味，而且清甜得黎無味精。