Video
Read full review
2015-08-29
3884 views
Bel Cibo 今晚女皇話想去尖東行街，識做既我就梗係要搵間好食正菜餐廳比佢。係H8,神秘二人套餐，女皇嘅眼神秒殺左我。終於上左12樓Bel Cibo，見到佢華麗又簡潔嘅裝修，就知道冇揀錯地方啦。第一個係兩隻黑松露醬煮鮑魚，鮑魚都有返咁上下大隻，有一層好濃郁嘅黑松露醬係上面好香濃。我唔鍾意飲龍蝦湯，特別係夏天，試咗一啖真係幾濃架。我愛嗰個牛尾湯好清甜啊我食埋入邊嗰啲菜呢簡直係正，飲到最後一滴都無埋真係有啲唔好意思啊。之後嚟咗個干炒蒜蓉片墨汁意粉，我最鍾意食墨魚汁意粉架啦，好鍾意果種海洋地中海風情味，女皇話我發神經，幾時輪到我地中海。我覺得呢個炒工同中國人嘅乾炒牛河有得揮。不過呢個意粉乾身，食完之後有少少頸喝，飲番兩淡白啤酒、好爽。下一道係松子仁野菌薄餅，女王真係好鍾意食喔，芝士洋蔥野菌係個happy family，批薄香脆，我鍾意食嗰啲松子啦，好夠好香口，今日上面一點綠、爽口嘅green，我已經同個Pizza一齊融化左。到左最重要嘅時間，最後出場嘅就係耶王焦糖焗蛋。天時暑熱，女皇今日都辛苦啦，呢個椰皇焗蛋係用最清新嘅椰子水整出嚟，加埋薄薄一層焦糖喺面，味道啱啱好，唔會太甜，女王對住我
今晚女皇話想去尖東行街，識做既我就梗係要搵間好食正菜餐廳比佢。
係H8,神秘二人套餐，女皇嘅眼神秒殺左我。終於上左12樓Bel Cibo，見到佢華麗又簡潔嘅裝修，就知道冇揀錯地方啦。
第一個係兩隻黑松露醬煮鮑魚，鮑魚都有返咁上下大隻，有一層好濃郁嘅黑松露醬係上面好香濃。
我唔鍾意飲龍蝦湯，特別係夏天，試咗一啖真係幾濃架。
我愛嗰個牛尾湯好清甜啊我食埋入邊嗰啲菜呢簡直係正，飲到最後一滴都無埋真係有啲唔好意思啊。
之後嚟咗個干炒蒜蓉片墨汁意粉，我最鍾意食墨魚汁意粉架啦，好鍾意果種海洋地中海風情味，女皇話我發神經，幾時輪到我地中海。
我覺得呢個炒工同中國人嘅乾炒牛河有得揮。
不過呢個意粉乾身，食完之後有少少頸喝，飲番兩淡白啤酒、好爽。
下一道係松子仁野菌薄餅，女王真係好鍾意食喔，芝士洋蔥野菌係個happy family，批薄香脆，我鍾意食嗰啲松子啦，好夠好香口，今日上面一點綠、爽口嘅green，我已經同個Pizza一齊融化左。
到左最重要嘅時間，最後出場嘅就係耶王焦糖焗蛋。天時暑熱，女皇今日都辛苦啦，呢個椰皇焗蛋係用最清新嘅椰子水整出嚟，加埋薄薄一層焦糖喺面，味道啱啱好，唔會太甜，女王對住我笑，我心都甜埋，我食晒成哥個蛋甜到入心。
總括嚟講呢， 今晚餐飯好新鮮、料又足，抵食，下次行街都要來呢度啊。
Post
