Video
Read full review
2015-08-18
168 views
傳說話，有樣野，係聞得到就食得到，唔知真唔真。但有樣野就肯肯定係真，女皇係無野唔放入肚。其實女皇咩都放入肚，大家都應該想知佢身型係點。今日，我嘗試冒生命危險形容下。做得女皇，基本上都係由女神進化而成。而做得女神，基本長髮、大眼，長腿都要有齊。佢狂食既生捱，可以話係拍拖第三年開始(差唔多踏入第5年兵役)。由完美既港女身段，出街都應該無機會襲擊他人，到宜家中央肥胖，真係得來不易。肚裏收埋既，都係我既精…..神、血同汗。幸運地，佢得到上天卷顧，佢有176既模模高度。其實，對我黎講，每日都係一個試練，不停咁食。食食食，食完正餐，合理地食甜品。要食得特別，又係對我令一個考驗。基本上，你入到鋪頭，無論吃什麼，心中都已經是榴槤。榴槤的香，就算是吃紙，也是榴槤的味道。榴槤，老豆教落，就係聞得到就食得到既野，究竟係天堂跌落黎，定地獄爬出黎，係因人而異，而女皇，就覺得係同佢一齊跌落凡間既朋友。女皇發板是一實的常識吧。一個心花怒放，用黎映相、一個貓山王榴槤千層班戟，用黎滿足口慾。心花怒放，真係形容到我心情。叫完，佢心花，我怒放。飽，我真係飽。但食神，衣食是不可忘。係流心芒果甜品。見到，點都覺得係榴槤，入口，
但有樣野就肯肯定係真，女皇係無野唔放入肚。
其實女皇咩都放入肚，大家都應該想知佢身型係點。今日，我嘗試冒生命危險形容下。
做得女皇，基本上都係由女神進化而成。而做得女神，基本長髮、大眼，長腿都要有齊。
佢狂食既生捱，可以話係拍拖第三年開始(差唔多踏入第5年兵役)。由完美既港女身段，出街都應該無機會襲擊他人，到宜家中央肥胖，真係得來不易。肚裏收埋既，都係我既精…..神、血同汗。幸運地，佢得到上天卷顧，佢有176既模模高度。
其實，對我黎講，每日都係一個試練，不停咁食。
食食食，食完正餐，合理地食甜品。要食得特別，又係對我令一個考驗。
基本上，你入到鋪頭，無論吃什麼，心中都已經是榴槤。榴槤的香，就算是吃紙，也是榴槤的味道。
榴槤，老豆教落，就係聞得到就食得到既野，究竟係天堂跌落黎，定地獄爬出黎，係因人而異，而女皇，就覺得係同佢一齊跌落凡間既朋友。
女皇發板是一實的常識吧。一個心花怒放，用黎映相、一個貓山王榴槤千層班戟，用黎滿足口慾。
心花怒放，真係形容到我心情。叫完，佢心花，我怒放。飽，我真係飽。但食神，衣食是不可忘。係流心芒果甜品。見到，點都覺得係榴槤，入口，第一下都係榴槤。唔係誇張，真係榴槤。要食多幾啖，食到流心住，就開始顯出佢自己個性，係芒果。要知道，係榴槤既魔爪下生存到，一定係有啲料到。佢芒果啱時候，所以唔酸，流心加ＣＲＥＡＭ唔會太甜，而且有相頭。如果唔係咁飽，係會再好食啲。
貓山王榴槤千層班戟，真，係活生生既一粒貓屎。食得到就食到，食唔到就食唔到。依股貓屎味，真係，入左口，唔刷牙可以繞梁三日。一層貓屎叠住另一層貓屎，中間啲班戟同ＣＲＥＡＭ已經深深地被榴槤打動，完完全全融成一體。我唔知點當佢係甜品咁形容，只可以當佢係一粒榴槤黎形容，係好新鮮，好靚，好健康既一粒榴槤，要街買都幾難買到咁強既貓屎。
去到咁主觀既食物，我話你知我覺得好味係無用。我只有用十二道鋒味黎話你知要點做：花的美好 鳥的驕傲 要自己感覺才知道 地厚天高 至少我感到 自己的味道～～
Post
