Panash (Closed)

五月四日(日)未夠九點半特價時段又有D肚餓，於是去左創興地下麵包舖買番個飽食下，老婆睇左一陣之後就揀左尼個忌廉號角~記得第一次見尼隻號角係係太古城UNI超級市場隔離麵包舖度，當時真係覺得佢好好食，外型亦吸引，間中都買黎食~不過黃色尼隻忌廉好似唔見左好耐，近年先覺得出番黎，宜家又可以再食到喇~忌廉號角老婆食第一啖"咦?奶皇黎既?"，一食之下都覺得隻饀極之似奶皇，有D失望，不過其實都唔太記得以前黃色忌廉係咩味，但就無印象係奶皇味~雖然似奶皇，但因為本身亦喜愛食奶皇包既人，個包加朱古力皮再配合奶皇味甜饀味道都幾好~有機會係太古城度再買番個黎食下先