我杯茶 (永興樓)

Open Now

Now Closed

平時久不久都會買佢嘅樽裝奶茶，係好飲嘅，茶底夠濃，都算順滑，飲落好香，食嘢就真係第一次平時喺門口買奶茶，以為剩係得右手邊張bar枱，原來行到入去中間仲有幾張枱，枱櫈大就大張，但空間太細，完全移動唔到，所以坐起上嚟係有啲唔舒服今次一行三人，早餐時間各自點咗叉燒茄湯通粉、牛肉茄湯通粉同炒蛋菠蘿包，飲品當然係三杯奶茶，兩凍一熱茄湯唔會太重茄膏，但個湯唔係咁夠熱，牛肉就普普通通，話晒出街食牛係一分錢一分貨，叉燒都正正常常，炒蛋菠蘿包都唔會話唔夾，但蛋唔係炒得特別滑，而奶茶的確係好飲，加咗冰都冇太大影響味道，不過食菠蘿包要原價飲奶茶，感覺有少少貴