Video
Read full review
2019-08-20
420 views
因為要過海，所以我自稱好鍾意呢間小店但竟然只係黎過三次，實在慚愧！！第一次同朋友幫襯當然要飲熱奶茶，一杯預先落左糖一杯冇，覺得師父調得啱啱好，甜果杯好味d! 冇耐再去變左要自己落糖，個人飲開走甜，幾次去都保持高水準，即沖夠熱、奶同茶比例拿捏準確，好滿意！食物方面全部都係同奶茶好夾既茶餐廳小食，試過沙嗲牛蛋治，冇咩沙嗲味但都ok既。另外就係唔知邊個天才發明將咸既蛋同甜既菠蘿包放埋一齊，簡直係天作之合！(都唔係間間茶記有賣) 打開店員預先切開既兩瓣包，覺得個畫面好治癒。而且見佢不斷研發新口味，好似黯然銷魂脆豬、咸蛋黃口味甚至有仙草麵、又不時搞d工作坊請奶茶師傅黎表演、整左個app比客落單等等，覺得我杯茶真係好有heart! 講番點解鍾意，係因為創辦人做左自己想做既野！一直都諗奶茶作為港人既神枱級飲品，咁冇理由咖啡、手搖飲品店遍地開花，連涼茶鋪都周街係，竟然冇一間奶茶鋪！希望佢長做長有，最好o係新界開間分店啦～
第一次同朋友幫襯當然要飲熱奶茶，一杯預先落左糖一杯冇，覺得師父調得啱啱好，甜果杯好味d! 冇耐再去變左要自己落糖，個人飲開走甜，幾次去都保持高水準，即沖夠熱、奶同茶比例拿捏準確，好滿意！
食物方面全部都係同奶茶好夾既茶餐廳小食，試過沙嗲牛蛋治，冇咩沙嗲味但都ok既。另外就係唔知邊個天才發明將咸既蛋同甜既菠蘿包放埋一齊，簡直係天作之合！(都唔係間間茶記有賣) 打開店員預先切開既兩瓣包，覺得個畫面好治癒。
炒蛋菠蘿包
37 views
0 likes
0 comments
而且見佢不斷研發新口味，好似黯然銷魂脆豬、咸蛋黃口味甚至有仙草麵、又不時搞d工作坊請奶茶師傅黎表演、整左個app比客落單等等，覺得我杯茶真係好有heart! 講番點解鍾意，係因為創辦人做左自己想做既野！一直都諗奶茶作為港人既神枱級飲品，咁冇理由咖啡、手搖飲品店遍地開花，連涼茶鋪都周街係，竟然冇一間奶茶鋪！
希望佢長做長有，最好o係新界開間分店啦～
Post
