我杯茶 (永興樓)

Open Now

Now Closed

早幾年一個外國返港中文唔多好朋友問我呢間舖頭嘅中名究竟左向右定右向左睇，又同我講依間嘅港式奶茶好好飲。開頭聽完，心諗點好味都好唔過同一條街開業過半世紀嘅茶餐廳。但係如果試都唔試，妄下定論就絕對係偏見；第一次入此店係2018年夏天，天口㷫就試樽裝冰鎮奶茶 加 咸牛肉蛋治。奶茶加冰只會越飲越淡味，所以好飲嘅飲凍奶茶一定係冰鎮奶茶。以冰鎮奶茶好飲與否在乎於甜度嘅控制， 呢支冰鎮奶茶唔單止甜度控制適中，茶味亦十分濃沃，完全係同老字號叮噹馬頭。雖然咸牛蛋治 麵包軟熟、雞蛋夠滑與奶茶相比較明顯變得平庸。要知奶茶功夫得唔得，當然唔可以只嚐一次。 相隔兩季再臨小店一試熱奶茶，今次加份 鮮牛蛋治。是次杯奶茶有齊茶香、味濃、唔諧口、奶滑而且仲平衡得非常出色。可惜今次份鮮牛治依然較一般。除上述兩次有明確記憶外，當中數次光顧奶茶同樣保持水準冇失望。新舊店各有千秋，有更多美味飲食出現，更多選擇自然最好不過。