珍煮丹 (Closed)

我自己住葵涌，去葵涌廣場都好近，所以周不時都去食下野，但係講真嗰句，葵廣啲野飲我無一間係會主動去買嚟飲，因為真係無遇到一間係出色嘅，見到珍煮丹新開，就諗住去試下佢，睇吓有冇得打破常規😂而飲過一次之後，葵廣終於有一間我滿意嘅手調飲品🥰新開嘅鋪頭裝修都好光亮，好吸睛，係葵廣3樓，而周圍都有其他手調飲品好大競爭。身為奶蓋控嘅我我睇完個menu之後揀咗蓋世不知春，而朋友就揀咗新出嘅莓莓沙冰。沙冰係即叫即打，所以要等10分鐘左右。蓋世不知春出場！！！勁多奶蓋😂唔怪得個店員叫我開始飲一啖奶蓋先，我飲第一啖已經覺得好夾，奶蓋好滑，茶味又好清，加埋一齊都真係好正🤩最重要係唔會太heavy呀！沙冰就入邊有好多果肉，夏天飲絕對係一流，不過記得要即刻飲，如果唔係啲冰融晒🥺同埋上面仲有層奶蓋，成杯野又甜又有少少鹹，即刻中和返🤩