Video
Read full review
2018-11-26
5260 views
最近發現一间任食火鍋嘅地方， 非常就腳而且好抵食 ，一路都想試今晚終於有機會。好近佐敦地鐵站， 行兩三分鐘就到。 價錢$178 任飲任食2.5 小時 確實吸引。火鍋店係酒樓格局， 有好多卡座， 座位亦唔算迫有好多大圓枱。 冷氣非常強勁， 建議帶多件衫嚟。坐低就放低咗一jar竹蔗水， 仲暖㗎非常滋潤。凍櫃裏面有各款汽水綠茶都係任飲， 夠曬舒暢。任點任食 以剔紙仔方式。 仲有簡單嘅調味料自己混醬。我哋點咗"鯊魚骨猴頭菇"拼"淮山蘋果雪梨窩"。打開煲嘅時候佢畀錯咗， 攞返入去換，所有食物都到齊， 非常神速。湯底裏面好多了有鯊魚骨和 白雪雪嘅猴頭菇， 奶白色嘅湯有豬骨嘅味道。 不過較少見唔係茶色嘅猴頭菇。淮山蘋果嗰邊冇咩特別，純粹係想清滋潤一下。牛肉方面有美國肥牛同手切牛。 各有特色。美國牛較多牛油 好香口， 手切牛肉質較為嫩滑但牛肉味冇咁濃。滑牛質素亦唔錯， 唔會畀梳打粉嗱到冇晒味。 羊肉有羊羶味， 但我們劲like鵝腸非常爽口， 冇咩肥膏， 灼一灼就食得。我哋好鍾意食魚雲， 呢度竟然都有質素唔錯嘅魚雲魚頭， 冇腥味， 有驚喜呀!鱔片薄切， 冇細骨又肥美!是日精選海鮮都係任點， 今晚係蜆
最近發現一间任食火鍋嘅地方， 非常就腳而且好抵食 ，一路都想試今晚終於有機會。
好近佐敦地鐵站， 行兩三分鐘就到。 價錢$178 任飲任食2.5 小時 確實吸引。
火鍋店係酒樓格局， 有好多卡座， 座位亦唔算迫有好多大圓枱。
冷氣非常強勁， 建議帶多件衫嚟。
坐低就放低咗一jar竹蔗水， 仲暖㗎非常滋潤。
凍櫃裏面有各款汽水綠茶都係任飲， 夠曬舒暢。
任點任食 以剔紙仔方式。
仲有簡單嘅調味料自己混醬。
鯊魚骨猴頭菇"拼"淮山蘋果雪梨窩
101 views
0 likes
0 comments
我哋點咗"鯊魚骨猴頭菇"拼"淮山蘋果雪梨窩"。
打開煲嘅時候佢畀錯咗， 攞返入去換，所有食物都到齊， 非常神速。
湯底裏面好多了有鯊魚骨和 白雪雪嘅猴頭菇， 奶白色嘅湯有豬骨嘅味道。 不過較少見唔係茶色嘅猴頭菇。
淮山蘋果嗰邊冇咩特別，純粹係想清滋潤一下。
牛肉方面有美國肥牛同手切牛。 各有特色。美國牛較多牛油 好香口， 手切牛肉質較為嫩滑但牛肉味冇咁濃。
滑牛
55 views
0 likes
0 comments
滑牛質素亦唔錯， 唔會畀梳打粉嗱到冇晒味。
羊肉有羊羶味， 但我們劲like
鵝腸
38 views
0 likes
0 comments
鵝腸非常爽口， 冇咩肥膏， 灼一灼就食得。
魚雲
36 views
0 likes
0 comments
我哋好鍾意食魚雲， 呢度竟然都有質素唔錯嘅魚雲魚頭， 冇腥味， 有驚喜呀!
鱔片薄切， 冇細骨又肥美!
是日精選海鮮都係任點， 今晚係蜆。 唔錯幾鮮甜。
午餐肉
42 views
0 likes
0 comments
邪惡嘅午餐肉又出場， 今晚呢款午餐肉幾有肉味，又香又滑， 午餐肉都有驚喜!?
花膠
37 views
0 likes
0 comments
花膠都係任點， ok呀好正常又夠厚。
魚皮
23 views
0 likes
0 comments
魚皮好香脆，夠厚， 食到魚皮嘅香味，唔似零食級嘅魚皮。
海蝦正常鮮味!
三寶丸
29 views
0 likes
0 comments
呢款三寶丸係全人手自製。 細細粒好實淨又滑又彈牙， 豬肉丸蝦丸尤其精彩! 呢種 bite size啱啱好, 可以試多幾款食物。
香芋丸， 淥完之後甜甜地煙煙靭靭， 配上魚蛋嘅皮口感味道都唔錯。 雖然係急凍 款式但係我都未試過。
皇帝菜
31 views
0 likes
0 comments
甜品方面仲有人氣乳酪， 自己撳出嚟。 ok嘅奶味同乳酸味都唔重， 加自己喜歡嘅配料 又另一種食法。
水魷魚
213 views
0 likes
0 comments
水魷魚又腍又有魷魚嘅香味， 唔會畀啲冰水啤到冇曬未， 又有驚喜!
牛骨髓二人份量，畀咗好多我哋。 滑嘟嘟好過癮， 自己都買唔到嘅火鍋配料。 食吓食吓都食曬成碟。
佢啲腐竹都唔錯， 冇益味且有非常香嘅黃豆味。
蓮藕係爽嗰款， 唔夠quota食澱粉質就叫咗幾片薯仔， 索咗啲湯好正呀。
仲有好多款都未試， 食物選擇原來非常之多。
本來百幾蚊一位都冇咩期望，純粹有個地方開著個爐打邊爐吹下水，宜家簡直係喜出望外， 仲可以坐成兩個半鐘， 呢個budget自己買料都唔得。 喜歡吃家常嘅火鍋配料就啱曬。
如果約齊朋友要前後腳到 驚唔夠時間， 都係每位加多50蚊 一個鐘， 夠晒時間吹水。
Post
