豪大大雞排 (富達大廈)

Open Now

Now Closed

今日收工同朋友去咗旺角波鞋街行一陣，行過又有啲餓，但係我哋又唔係話好餓。喺豉油街波鞋街交界，見到呢間豪大大雞扒，都有幾多人排隊，加上好似好耐冇食過豪大大，雖然自己有啲喉嚨痛😂但係都忍唔住去咗買嚟食。咁我就買一隻雞槌食，我朋友就買咗一袋半份嘅雞粒一齊share食。我哋選擇咗少少少少辣粉，因為本身都唔食得太辣，隻雞槌同啲雞粒都熱辣辣嘅，不過隻雞腿就略嫌細咗啲，而啲雞粒呢，發現佢啲粉搽得好厚，所以食落去好似成口都係嗰啲粉咁，而啲雞粒肉就少之又少。希望可以改善下啦，但係食完之後真係好熱氣，要隔一排先再可以食佢嚟。