雍雅山房

Open Now

Now Closed

細個阿爸阿媽都會帶我地去馬料水雍雅山房，所以對呢個地方有情意結。見到山頂開番，即刻book位去試吓！除咗用返同一個招牌之外，裝修基本上完全係第二個風格，搵唔到以前嘅情懷…有啲失望‍室外枱有山頂景色係唔錯嘅，大家純粹嚟食個景係OK嘅，唔好對食物有期望！食物質素參差，定價進取。呢個食物質素，同一般酒樓/茶餐廳冇乜分別，但係變咗山頂價其實去得山頂食飯，仲要有戶外位，都預咗係咁嘅價位。不過收得呢個價位，食物質素應該比番好少少！．見到隔籬枱啲乳鴿瘦到營養不良、．招牌豆腐真係好一般同屋企整冇乜分別、．牛河不過不失唔難食囉、．頭盤八爪魚算係最好食．咕嚕肉正常不過啲菠蘿好多渣、．紅豆冰、櫻花蝦炒麵、柚皮都正常總括，唔建議喺度食午餐或者晚餐。撞啱有戶外位飲杯嘢tea 吓可以接受。