Marine Seafood Bar & More (Closed)

今日同一大班朋友去左哩間MARINE食晚餐，店內舒適寬躺，10分適合一大班朋友一齊嚟食飯。頭盤我哋叫咗芝士火腿拼盤，同埋凱撒沙律，芝士火腿拼盤有芝士配上巴馬火腿，加埋凱撒沙律，非常開胃,之後試咗佢哋嘅海鮮拼盤同埋派對蠔餐，海鮮拼盤上嘅海鮮10分新鮮，生蠔更加係非常鮮甜，海水味十足。主菜叫咗斧頭扒，德國鹹豬手，同埋燒春雞，德國鹹豬手皮脆肉嫩，燒春雞亦10分香口惹味，特別值得推介嘅係佢哋嘅斧頭扒，份量夠大嘅同時，肉質鮮嫩，肉味香濃，喜歡食牛扒嘅人絕對要一試，除此之外我哋仲叫咗海鮮包，虎蝦等等，食物亦10分高水準，最後食埋個甜品，圓滿嘅一餐，非常推薦大家約埋三五知己，去呢間餐廳共聚晚餐。