麻布茶房 (Closed)

我同男友今日４點左右黎呢到食野，見到入邊有空位子，諗住唔洗等啦，誰知門口位妹妹仔話未有位，要等，但我明明見住入邊係有位既，好啦，等就等啦，幸好不太耐，結果帶左我去廚房門口位，完全睇唔到海景，只係睇到個廚房，暈．．．好啦，都算啦，但我男友份菜單竟然癡手的！！！點搞嫁！？我男友無所謂，所以我都唔出聲算啦，後來招手點菜時，１個２個就只是叫我請等等，等等．．．（幾經辛苦）終於有人停低理會我們，我同男友點了一個好似pizza的抄麵同一些小食，之後我想要１杯茶同一杯熱水，該名waiter算得上有禮地叫我等一陣會有，點知等左足足10分鐘先有職員比(2杯茶)我low，係２杯茶low，我跟住同呢位比茶我既哥哥要一杯熱水，佢點頭後就行開了，之後？影都冇埋．．．中途叫左一位紮馬尾頭髮既女仔，想（請求）佢幫我加ｄ茶，佢好有禮咁回應我請等等，好呀，真係等個等字，轉頭佢就走左入去廚房到同人傾計！我仲要聽到佢傾計既內容添呀！！！笑得仲好大聲添呀！！！！！呢ｄ到底係咩service黎？？？傾計大過天？？？出番黎直行直過，當無左呢回事咁，好野呀，怪唔知麻布茶房咁出名啦．．．食物味道十分一般，真係唔知個價錢係點計既．．．