勁嘢車仔炒飯

Open Now

Now Closed

有事到大圍辦事，見到開咗間新嘢，就試一試，點知好不錯！海鮮炒飯好味，粒粒分明，好香咖喱味，而且有油香，料亦好多，食得出有蝦仁。炸物單點了一份炸雞，燒賣跟餐。炸雞非常好吃，很多汁，燒賣脆卜卜，面頭有滲椒鹽，都好惹味。串燒最意外，食得出入貨唔錯，五花腩非常好吃，加上面頭的蒜鹽，十分惹味。雞軟骨，亦都好不錯，脆卜卜！最後飲品，跟餐一杯檸檬利賓納梳打，非常解渴，亦不會太甜，好適合小朋友飲，我們單叫了一杯飲品，蘋果醋梳打不會太酸，比較適合大人！希望呢間舖繼續加油，大家可以試一試！