Video
Read full review
2011-09-16
368 views
農曆新年除左有利是逗，因為唔洗返工，所以有好多好野食，其中一餐就係Auntie J 喺富聲請我地食既開年飯。可能因為樓面矮啦，一出「車立」門第一個感覺係好嘈，幸好Auntie一早安排左間房。房內活動空間充足，又有電視睇，帶埋小朋友黎都絕對冇問題。全餐飯重有位好有禮貌o既姐姐仔負責為我地打點一切；雖則做到一腳踢，見佢毫無怨言喺度埋頭苦幹，真係冇野可以投訴。Auntie真係好客氣，預訂左個好豐富o既新年套餐，食到XO攬住個肚： 龍鳳呈祥脆金豬：姐姐仔即場分餸，斬件，真係好忙。講返道餸，豬皮脆，不過唔夠鬆化；豬肉勝在唔咸，同埋肉質唔乾，因而唔嚡。同枱o既女士們大讚隻豬冇肥膏；佢地只在乎食得健康，而並不介意隻豬本身係肥定瘦，所以冇人探究係咪師傅預先把肥層片去。 黃金煎大花蝦：高膽固醇之作，好在咸蛋黃份量唔會太重，所以食完一隻都唔會覺得溜。黃金蝦靚靚o既外表雖然好cool，但係個蝦心好夠熱架，咬完第一口，Ｄ煙就擁哂出黎。黃金皮好夠鬆脆，隻蝦亦好爽口，必吃推介之選！ 紅燒竹笙雞絲燴生翅：個湯底好夠火腿同雞味，芡汁唔會過火，愛食魚翅o既ＸＯ食得津津有味。 清蒸游水海石斑：蒸o既時間掌握得好好，魚肉
可能因為樓面矮啦，一出「車立」門第一個感覺係好嘈，幸好Auntie一早安排左間房。房內活動空間充足，又有電視睇，帶埋小朋友黎都絕對冇問題。全餐飯重有位好有禮貌o既姐姐仔負責為我地打點一切；雖則做到一腳踢，見佢毫無怨言喺度埋頭苦幹，真係冇野可以投訴。
Auntie真係好客氣，預訂左個好豐富o既新年套餐，食到XO攬住個肚：
龍鳳呈祥脆金豬：姐姐仔即場分餸，斬件，真係好忙。講返道餸，豬皮脆，不過唔夠鬆化；豬肉勝在唔咸，同埋肉質唔乾，因而唔嚡。同枱o既女士們大讚隻豬冇肥膏；佢地只在乎食得健康，而並不介意隻豬本身係肥定瘦，所以冇人探究係咪師傅預先把肥層片去。
黃金煎大花蝦：高膽固醇之作，好在咸蛋黃份量唔會太重，所以食完一隻都唔會覺得溜。黃金蝦靚靚o既外表雖然好cool，但係個蝦心好夠熱架，咬完第一口，Ｄ煙就擁哂出黎。黃金皮好夠鬆脆，隻蝦亦好爽口，必吃推介之選！
紅燒竹笙雞絲燴生翅：個湯底好夠火腿同雞味，芡汁唔會過火，愛食魚翅o既ＸＯ食得津津有味。
清蒸游水海石斑：蒸o既時間掌握得好好，魚肉非常鮮甜嫩滑，個豉油汁亦教得甜咸適中。
鵝掌：一人一大隻鵝掌，質感腍滑；伴碟o既冬菇都好香爽。
紅酒煮牛尾：Auntie極力推薦o既一味。牛尾煲得好夠腍，肉質軟又唔乾，而且好入味，真係冇介紹錯。
富聲雞：雞骨中o既鮮紅色代表廚房係用新鮮雞黎煮，真材實料；婦女們解釋話，如果係瘀紅色呢，就代表係冰鮮雞wor。怕骨o既ＸＯ只食雞什(內臟)同埋全隻雞最嚡嗰部份，即雞胸！嘩，連雞胸肉都咁嫩，所以結論係隻雞好得！帶甜味o既汁亦帶來少少驚喜，順理成章地再加多半分。
糯米飯：一Ｄ都唔油膩，係做得比較乾身o既糯米飯，唔健康之中o既健康。料同飯o既比例好好，兩者都唔會出現太硬o既情況，而且味道都好出色，單尾推介！
雙囍伊麵：可能因為糯米飯太精彩，所以好普通o既伊麵喺相比之下就遜色左少少。
當日個午餐實在太豐富啦，個胃根本上冇位再食任何甜品！
Post
