鋼管廠五區小郡肝串串香 (Closed)

夜晚約左來自四川的客戶在銅鑼灣食飯，見識來自成都的「鋼管廠五區小郡肝串串香」，聽客戶講呢個串串香在國內有百幾間分店，十分出名。我地book左位，都仲等左半個鐘先有枱，佢生意勁火爆。而且大多數是內地游客，可能大家都衝著呢間店系香港第一間分店而前來朝拜吧。連杯子也好有趣味。我未入門口已經被麻辣氣昧薰到鼻涕眼淚一齊流，但對於愛食辣，尤其系麻辣的人來講，這應該糸無比的興奮...店內設計同環境都有四川風格，而我發現，呢間響香港的分店，又多左香港的特色，侍應件衫咁寫，好搞笑「你一串，我一串，邊個夠我串」。自己挑選架上的串串，食物系平時打邊爐果d食材，用竹籤串起，呢種串串邊爐我系第一次食，覺得好新奇。75蚊100g，系食晒後淨磅竹籤的重量，大概系23支。我地點在粟米豬骨鴛鴦湯底。將串串放入煲內，用杯子倒轉套住，就准備等食。一邊食串串，一邊落蝦滑，冇幾耐就可以食了。我地點左特色菜，重慶炸酥肉，惹味香口，肥膏不多，好味。最好味的系呢個紅糖糍粑，其實口感系年糕，裹著紅糖一齊炸，脆皮包著軟嫩的年糕，食多幾塊都不會膩。