漁吉海鮮丼專門店

Open Now

Now Closed

唔知大家有無係觀塘返過工呢？返過依區既都知，食飯唔係上山而係上工廈，今日介紹既漁吉就係其中之一😆北海帆立丼店員一攞黎個陣已經聞到好香，因為丼飯上既海膽、帆立貝都用火槍燒過，比起純刺身咁食，多咗一陣焦香味，口感亦豐富咗😋玉子燒細細舊印咗舖頭名漁吉兩隻字，口感軟熟，少少甜味加蛋香，感覺好似食緊件蛋糕仔咁😂🤪漁吉特選丼因為鮑魚無哂，轉咗鰻魚，鰻魚無雪味啲肉唔散，唔錯👍🏻😋赤蝦新鮮爽口，夠大隻啖啖肉😋櫻花魷魚都好甜，餸飯一流！👍仲有不得不提既左口魚裙邊，經過火炙，啲油香出哂黎，食一舊完全唔夠喉，其他既刺身仲有三文魚、油甘魚、吞拿魚、帆立貝，全部都係足量既厚切，鮮度都夠😋👏🏻