Video
Read full review
2020-07-16
630 views
呢餐最好味嘅係 ..... 烏龍茶👏喺愉景新城搵嘢食，上網Google一下，搵到呢間口碑唔錯嘅台灣菜餐廳，即刻行過去中染大廈，5分鐘都唔使就到。叫咗佢嘅午餐「經典三杯雞配白飯」配「南投炭燒烏龍茶」。烏龍茶先上，飲一啖，非常香嘅烏龍茶味，凍冰冰，亦真係有少少煙燻炭燒嘅味道，相當好👍轉頭就上埋三杯雞飯。食嚿雞先，嘩！雞肉好乾好硬好嚡口，但係成碟雞都沾滿三杯雞醬汁，感覺就係好乾嘅雞肉沾上濕𣲷𣲷嘅醬汁，口感怪異，雖然醬汁味道可以。雞肉基本都係碎濕濕細細粒，不過份量就真係幾多。嗰碗白飯，都係又乾又硬，我已經係一個鍾意食硬飯嘅人，都頂唔順，呢碗一係隔夜飯加熱，一係新鮮飯落唔夠水煮，總之難食🙄，食咗唔夠一半，真係頂唔順。仲有嗰碟粟米配菜，帶微苦，食咗一啖就冇再食。唯一真係好味嘅，只有烏龍茶。
喺愉景新城搵嘢食，上網Google一下，搵到呢間口碑唔錯嘅台灣菜餐廳，即刻行過去中染大廈，5分鐘都唔使就到。
叫咗佢嘅午餐「經典三杯雞配白飯」配「南投炭燒烏龍茶」。烏龍茶先上，飲一啖，非常香嘅烏龍茶味，凍冰冰，亦真係有少少煙燻炭燒嘅味道，相當好👍
轉頭就上埋三杯雞飯。食嚿雞先，嘩！雞肉好乾好硬好嚡口，但係成碟雞都沾滿三杯雞醬汁，感覺就係好乾嘅雞肉沾上濕𣲷𣲷嘅醬汁，口感怪異，雖然醬汁味道可以。雞肉基本都係碎濕濕細細粒，不過份量就真係幾多。
嗰碗白飯，都係又乾又硬，我已經係一個鍾意食硬飯嘅人，都頂唔順，呢碗一係隔夜飯加熱，一係新鮮飯落唔夠水煮，總之難食🙄，食咗唔夠一半，真係頂唔順。
仲有嗰碟粟米配菜，帶微苦，食咗一啖就冇再食。
唯一真係好味嘅，只有烏龍茶。
Post
