Video
Read full review
2021-02-11
572 views
呢一間餐廳地方都有少少偏遠但好值得再來，人少少坐得好chill 的中午！未試過任食但咁chill🤣🤣 我係旺角站行去奧海城途經，大概要15分鐘，我同朋友都放假可以飲下酒，叫咗任食加清酒放題，每人$245～ 首先先選擇一個主食，因為我同朋友一齊食，所以我就揀咗一個飯，等個肚有多啲空位食串燒飲酒🍻 叫咗一個蟹肉蟹膏飯定食，另外叫左咗一個壽喜燒，然後其他叫左佢主打嘅關東煮同埋串燒！蟹肉蟹膏飯定食好驚喜，因為原來佢仲有埋蟹籽，係三色全有大滿足，蟹膏夠滑身同濃味，撈完飯好鮮，有種番左韓國食蟹膏飯感覺！太耐無去旅行食過呢種味道有少少激動🤣蟹肉就唔算多，蟹籽都新鮮脆口，三樣野加埋拌飯超香！強烈建議！配清酒好夾另外的壽喜燒鍋都唔錯，淡淡嘅甜豉油湯底，加埋牛肉煮之後愈來愈濃郁，再加埋唔同嘅蔬菜好清爽！不過男仔食可能就份量偏少左，不過佢其他串燒關東煮🍢任食就無所謂啦🤣串燒一定要即上即食！因為熱辣辣脆卜卜真係會好食好多，我朋友都比我迫佢放低個飯先 🤣🤣🤣 款款都試左，雖然佢雞類串燒為主，無牛豬，但款款雞感覺都唔同，最鐘意係明太子芝士雞肉串，明太子咸香，芝士濃滑，配上雞肉串好好食，三種口感，不過會略咸少少，要
首先先選擇一個主食，因為我同朋友一齊食，所以我就揀咗一個飯，等個肚有多啲空位食串燒飲酒🍻 叫咗一個蟹肉蟹膏飯定食，另外叫左咗一個壽喜燒，然後其他叫左佢主打嘅關東煮同埋串燒！
蟹肉蟹膏飯定食好驚喜，因為原來佢仲有埋蟹籽，係三色全有大滿足，蟹膏夠滑身同濃味，撈完飯好鮮，有種番左韓國食蟹膏飯感覺！太耐無去旅行食過呢種味道有少少激動🤣蟹肉就唔算多，蟹籽都新鮮脆口，三樣野加埋拌飯超香！強烈建議！配清酒好夾
蟹肉蟹膏飯定食
39 views
0 likes
0 comments
另外的壽喜燒鍋都唔錯，淡淡嘅甜豉油湯底，加埋牛肉煮之後愈來愈濃郁，再加埋唔同嘅蔬菜好清爽！不過男仔食可能就份量偏少左，不過佢其他串燒關東煮🍢任食就無所謂啦🤣
壽喜燒
25 views
0 likes
0 comments
串燒一定要即上即食！因為熱辣辣脆卜卜真係會好食好多，我朋友都比我迫佢放低個飯先 🤣🤣🤣 款款都試左，雖然佢雞類串燒為主，無牛豬，但款款雞感覺都唔同，最鐘意係明太子芝士雞肉串，明太子咸香，芝士濃滑，配上雞肉串好好食，三種口感，不過會略咸少少，要送酒喔🙈🙈🙈胡椒柚子雞肉串就略帶酸味好開胃，真係都好有新鮮感🤣同埋雞軟骨都係必叫！雖然有一串雞軟骨頂頂個舊燒得太勁少少燶左無食到，但係其他全部水準以上再以上！考得非常之香脆，比起雞肉嘅口感更多，有埋雞油香，送酒一流！
明太子芝士雞肉串
18 views
0 likes
0 comments
關東煮方面我最鐘意食蘿白！成舊冇渣入晒味真係冇得輸！福袋同埋麻吉燒都好特別，係腐皮同魚糕外層，入邊係麻薯，雙層口感非常之正！福袋一咬仲勁多汁🤤🍢
關東煮
39 views
0 likes
0 comments
先付任食嘅章魚🐙同墨魚咀勁啱配清酒！因為味道都比較重身，芥末章魚的確比較鹹香辣，Wasabi味都好勁，墨魚咀就會大舊少少，平時食開嘅日式小前菜😋我兩樣都鍾意❤️配酒一流！松葉蟹野菜沙律🥗就中和一下味蕾，松葉蟹分量唔算好多，但係都會食得出，係真正嘅蟹肉，我都幾鍾意食當一個小菜，味增青瓜都係配串燒中和味蕾必選！
先付（芥末章魚及墨魚咀）
15 views
0 likes
0 comments
海鮮方面叫左海老、牛油帶子！牛油帶子超肥但超香，牛油帶子呢個配搭無得輸 😌海老唔算大隻同無膏🙈但烤得好香，出面個殼係焦脆，蝦味好濃郁，送酒一流！
牛油帶子
14 views
0 likes
0 comments
最後酒方面叫咗三款～你叫完酒之後佢會比一個九宮格盤你，入面有唔同酒杯俾你去選擇，成件事好有儀式感！
清酒
21 views
0 likes
0 comments
喜多屋特別釀造清酒，順喉滑身，清酒嘅米香味都好足，尾調有少少燒灼感，整體好適合配串燒飲喔！
大眾酒場自家製梅酒，色澤係漂亮的香檳色，口感酸酸甜甜，梅香味同酒味皆重，好適合女仔飲，如果有得熱水更加好喔！
尾瀨之雪檸檬柚子酒！超級超級推介女仔飲！！！因為勁易入口，比起清酒，酒味唔算好濃郁，算果酒感覺重，係滿滿嘅柚子蜜清甜味，檸檬味好醒胃，後尾不斷encore 呢款，酒精度數: 8%，我心水大推平時唔飲得太列酒嘅女仔飲，飲咗兩三杯都好順！我仲即刻上網睇吓邊度有得買😂😂😂都成二百幾蚊一枝！只要飲多幾杯就夠回本啦😏
尾瀨之雪檸檬柚子酒
19 views
1 likes
0 comments
呢間店環境對住個大玻璃，出邊街景遼闊，同朋友一邊傾偈，一邊小酌真係非常休閒，下次如果經過旺角奧運呢邊，都會再選擇嚟多次試吓其他唔同酒！
Post
