蕃滿門 (Closed)

今天突然放的假，看了一陣閱兵發現已經是十二時。假日在太古城是很難搵位食飯。最後，去了 food court。其實無乜胃口。看到了很多很多蕃茄。不如就試試。標榜不加味精，蕃茄味濃郁，啖啖有茄。個 sample真係超大碗，真的嗎？什錦蕃茄滑蛋濃湯粉可以揀意大利粉 / 螺絲粉 / 公仔麵 / 飯。見個 sample係螺絲粉，就要螺絲粉。可以選辣度，怕辣，要了原味。真係超大碗，對於唔大食的人，係夠兩個人食。湯料有冬菇、豆卜、炒蛋、牛腩、鴨胸、西蘭花、貢丸、蟹柳和香腸。材料好多，好似打邊爐。仲可以食到茄茸，真係真材實料。收銀姐姐推薦加 $3有超甜粟米。都好夾。後來心思思，覺得有少少辣應該都幾夾。問收銀姐姐要了少少辣醬，佢都好好人咁俾左少少我。加左落隻碗仔度再倒尐湯，都好好味。不過，個辣醬係超辣，真係唔好隨便試。最後，個湯都全部飲晒，味道好濃，卻沒有口喝，應該無加味精。