天吉屋 (Closed)

好耐都冇出過嚟行街啦，好多餐廳都未食過，又因為疫情所以出唔到國，所以就周圍試吓未食過嘅餐廳，因為喺附近行街朋友話想食天婦羅，就搵到呢一間我就叫咗連續七年日本金獎既天吉井，入邊有黑虎蝦，佢嘅虎蝦真係足料，好大條，魷魚好大粒，食落去好似魷魚魚蛋，石斑魚，茄子，南瓜，四季豆，炸紫菜，同埋溫泉蛋，所有嘢加埋一齊已經係個碗嘅三分之二，口感炸得好鬆脆，同埋佢嘅炸粉係好薄，完全只係點綴食物，唔係好厚嘅炸粉食落口最重要餐前佢哋會送個沙律，沙律菜好Flash朋友就叫咗個天幕御膳，真係好豐富嘅一餐，佢係有三種食法，員工會拎個介紹牌出嚟俾你，跟住點樣食，呢個餐就多咗個軟殼蟹，唔夠食仲可以白飯任添食得出很用心製作