Pancake 專門紗織 (Closed)

食完晏行咗一陣街，想帶小朋友嚟呢間好夢幻嘅pancake shop，好彩我哋早到一步，上一輪客啱啱走，我哋係排隊嘅第一日。但係可惜呢度嚴重缺乏侍應，其實得一位樓面，已經有四五台客走咗，但係佢都冇時間執枱。我哋喺出邊大概等咗10分鐘先入到去。入去之前已經知道order乜嘢，就係佢哋好signature嘅「春雪、初開」，兩塊pancake中間夾住士多啤梨jam，上面有龍龍嘅白色cream，當你拎開個膠套貼慢慢流落嚟就會令到個造型好靚。可惜我哋失敗咗，用唔到佢圖片出嚟咁靚🤦🏻‍♂️不過味道冇失望，小朋友好鍾意食，食得好開心。至於飲品我哋叫做抹茶拿鐵，cappuccino，味道正常，唔係特別出色，咖啡味唔夠濃，比奶味蓋過曬。喺呢度食甜品唔會失望，但係飲品我就覺得一般般。