Video
Read full review
2018-05-01
289 views
勞動節同老婆出開中環，老婆話想食越南野，所以就去左呢間，平日成日經過，但係裏便好多人，所以冇入去嘅，越南餐廳 Co Thanh。入到去第一個感覺就係好似去咗越南咁。啲裝修佈置都係非常之authentic，專登做到簡陋啲，正正好似越南街邊嘅餐室一樣。個餐牌全英文，雖然有啲豬丶牛丶魚嘅公仔，已經容易睇咗㗎啦，不過都係好難睇，最後都係要問侍應係乜嘢嚟嘅。我哋叫咗鹹魚蝦醬湯底麵同埋牛肉湯底麵。鹹魚蝦醬湯底麵都幾辣，味道很好，帶有少少甜味。同一般嘅越南餐廳唔同，呢間餐廳唔係用河粉係用米線。牛肉湯底麵買相都好authentic 好多乾蔥蒜丶蔥丶蔥絲。湯底略為淡味，可能我走晒啲乾蔥蒜及蔥都會有啲影響，不過我覺得湯底可以濃一啲。我仲試咗一支越南啤洒，味道可以。店內音樂比較大聲。店內廚房嘅抽氣系統都幾好，最初以為入完去件衫一定好大浸油煙味，但係一啲油煙味都冇。侍應服務都ok，個manager都會問啲客人「今日啲嘢食好唔好呀？」但係唔知係咪因為佢哋西人客人比較多，佢哋盡可能都會同客人用英文溝通。總結－裝修好似越南街邊餐廳，感覺去咗越南食嘢一樣－ 推介：鹹魚蝦醬湯底麵 Bun mam－ 餐牌唔容易睇－ 音樂
入到去第一個感覺就係好似去咗越南咁。啲裝修佈置都係非常之authentic，專登做到簡陋啲，正正好似越南街邊嘅餐室一樣。
個餐牌全英文，雖然有啲豬丶牛丶魚嘅公仔，已經容易睇咗㗎啦，不過都係好難睇，最後都係要問侍應係乜嘢嚟嘅。我哋叫咗鹹魚蝦醬湯底麵同埋牛肉湯底麵。
鹹魚蝦醬湯底麵都幾辣，味道很好，帶有少少甜味。同一般嘅越南餐廳唔同，呢間餐廳唔係用河粉係用米線。牛肉湯底麵買相都好authentic 好多乾蔥蒜丶蔥丶蔥絲。湯底略為淡味，可能我走晒啲乾蔥蒜及蔥都會有啲影響，不過我覺得湯底可以濃一啲。我仲試咗一支越南啤洒，味道可以。
店內音樂比較大聲。
店內廚房嘅抽氣系統都幾好，最初以為入完去件衫一定好大浸油煙味，但係一啲油煙味都冇。
侍應服務都ok，個manager都會問啲客人「今日啲嘢食好唔好呀？」但係唔知係咪因為佢哋西人客人比較多，佢哋盡可能都會同客人用英文溝通。
總結
－裝修好似越南街邊餐廳，感覺去咗越南食嘢一樣
－ 推介：鹹魚蝦醬湯底麵 Bun mam
－ 餐牌唔容易睇
－ 音樂比較大聲
－ 抽氣系統非常好
－ 侍應服務態度ok
Bun Bo Hue 牛肉湯底麵
$98
72 views
0 likes
0 comments
Bun Mam 鹹魚蝦醬湯底麵
$98
71 views
0 likes
0 comments
Post
